لاسم: دعاء عادل محمد الدولة: مصر اسم الشهرة: دعاء عادل شعر عامي https://www.facebook.com/profile.php?id=100022625173404 قصيدة: ياقلبي وهتفضل يا قلبي بتعاني من اللي سابك وقفل الخط وهتفضل على طول وحداني وبرضو اللوم عليك يتحط ياما قولت بعينى كلام إني زعلان ومتضايق غضوا الطرف عن حزني وقالوا فرحان واديك رايق فخبي يا قلبي على حزني وما تكشفش ضعفي لحد ودموع الليل هتفضل تنزل ويشهد عليها هذا الخد مش محتاج يا قلبي لحد هيفضل فترة وهيفارق وهيمل وجودك في أيامه تزعل ليه دي حقائق كلهم يا قلبي عليك لاموا فبلاش نكتب أي حكاية علشان لسه الوقت ما جاش كفايه ورقنا أهو باش من دموعنا الكتيرة يشفيك يا قلبي من داء الحيرة والأحزان إعدل في حبك وبلاش لعبك في الميزان مش كل اللي قرب جنبك يبقى حبيب وتديه الأمان هيسيبك هيسيبك أول حد كان حبيبك وهيرحل بدون أسباب وهيرزع وراك الباب إفهم يا قلبي وبلاش تتجاهل بلاش تنخدع بالمظاهر قوم وكمل اللي فاضل من حياتك إرمي وإمسح كتاباتك وإبدأ من الأول بعون الله الجرح مش هيطول وهيتلم في وقت قريب خلي الكل يا قلبي غريب وهو أحسن يمكن نرتاح ومنتعذبش إسمعني يا قلبي وصدقني أنا والله مبكدبش.
