قصيده بعنوان……. حبيب الروح لمحمد ثروت عبدالحفيظ

ب أشتاق لقربك يحييني
ياحبيب الروح ياناسيني
يا اللى انت مني ياشاغلنى
وهواك بيجرى فى شرايني
قربنى ليك خبيني
وبين ضلوعك دفيني
يا أبو ضحكه حلوه بتغرينى
ده أنا مهما أأقول بكره هنساك
فى منامي طيفك ينادينى
خبينى خبى خبينى
خليني جنبك خلينى
يا أحلى فرحه ف سنيني
بتمنى يوم تواسيني
ويجيني حبك يحييني
ومن حنانك ترويني
أهون عليك تسيبنى وحيد
والغربه بعدك تكوينى
كل الآلام عماله بتزيد
وأتمنى حبك يداويني
ده أنت اللى ساكن جوه الروح
وهواك بيجرى فى شرايني
يرضيك حبيبي أعيش مجروح
وأنت اللى تقدر تداويني
ده أنا مهما أقول عنك وأبوح
كل الكلام ما يكفيني