قلبك حنين يا امه.مسابقة الشعر العامى بقلم / أسامة فؤاد حنا .مصر

اسامة فؤاد حنا
سوهاج مصر
شعر عامي
01021799373 واتس و فون

قلبك حنين يا امه… وقلبى عليك جافى
مليان حب وخير … زي الحليب صافي
تحت رجليك الجنة … وحضنك امان ودافى
وسط حزني وهمي …الفرحة معاك تملاني
بلهفة عليه تجري … وتداوى كل آهاتي
كلامك يسعد قلبي… وتشيلي الهم مكاني
مين يمسح دموعي… ويدوق المر عشاني
يستنى لحظة رجوعي … سهرانة طول الليالي
بفراقك انطفت شموعي … ومعاها كل امالي
بحلم يا أمه أشوفك… وتاخديني في أحضانك
أبوس رجليك وكفوفك… وارتوي من نبع حنانك
وحشني سماع صوتك …يا ريتني كنت مكانك
سماح يا أمه سماح … يا ريت تسامحيني
على كل اللي راح … وإياك تنسي تدعيلي
صورتك في كل صباح … مرسومة أمام عيني
Osama Fouad