الثلج لما بنشوفه بنحس انه حاجه اقرب للمواد الصلبه لكن في ثواني بتﻻقيه بيتحول لسائل مجرد ما اختلفت درجة الحرارة عن الثﻻجه يعني الثلج بيتحول لنقط مياة عكس اصله الناشف
تعالوا نطبق ده على قلوبنا و قلوب اهلنا و اصحابنا ……
لما تﻻقي شخص قريب منك و فجأه بقى جامد معاك او بيتكلم معاك باسلوب ناشف شويه مش اول حاجه تفكر فيها انه اتغير و مش عايزك؟
مش يمكن يكون مضغوط… مش يمكن يكون مقريف او متضايق في اي حاجه بعيد عنك
و كل واحد فينا ممكن يجيله فترة يكون في اي حاله من دول مهما كان من بره يبان انه جامد قلبه من جوه اكيد بيكون ابيض و اطيب و احلى من اللي انت شايفه مؤقتا ده
و يمكن يكون بيعدي بتجربه صعبه في حياته تكون عديت بيها و تقدر تغيده لما تقف جانبه و تفتحله قلبك بالراحه و الدفء هو اكيد الثلج اللي براه حيدوب و يرجع ﻻصله و قلبه
الطيب و اﻻبيض و يرجع مبسوط و يخرج من الحاله اللي هو فيها
تعالوا نعمل كده و احنا بنحب بعض و نتمنى الخير لبعض
تعالوا نفيد بعض من قلبنا و بﻻش نكون بنعرف اسرار بعض علشان نئذي بعض
تعالوا نتعلم نغير على بعض مش من بعض
و لو غيرت من حد اغير اني ليه انا مش كويس مش اغير انه ليه هو كويس
ﻻن دي عادات و طباع ديننا بيقولنا عليها بس لﻻسف بعدنا عنها ” حب ﻻخيك ما تحبه لنفسك” تفرق تماما عن ” حب ﻻخيك ما تكرهه لنفسك!!!!!!!!!!
