قصيدة عامية
كفاية اسمـِـك
#$#$#$#$#
وكام شهيد وتستـَكـفى
عشان نرجع نكون اصحاب
وكام عين رايحة برصاصِك
عشان نحلم تكونى ف يوم
فى مرسى العـِشـقِ نـِجماية
وانا اللى عليكى
متلهـِّف ومـِتـكـَفـّى
ونستـَنـّى فى يوم ما تعودى م التوهة
وفاتحة للأمل شـِبـَّاك
ولو عايزة
راح اعـمـِل من شرايينى
سـِكـَك ممدودة للخطوة
وأغـِزل لك بأنفاسى جلابية
وطـَرحة وشال
بـعـِشق عنيكى يتدَّفــّو
وكام خـُلخــال
على دق القلوب اللى
واكـِلها الخوف على عـِشقك
يا راضعة دم أولادك
وغاسلة بدمـعـهـم وشـِّك
ولسة برضه مش شايفة
لا من خـانـِك… ولا باعـِك
ولا غـا شـّـك
كأنك لسة مش فاهمة
كأنك رغم سن القهر خـَد منك
وشعرك شاب ولا شبتيش
وحاسة الطعنة مسمومة
وضهرك معبر المحاسيب
لكن لسة فى سن الطيش
يا شيخة عيب
دة انا ضهرى عملته حصيرة
لجل تكونى ساعة العصر
قاعدة بتشربى القهوة
وعاملة بحبنا ضفيرة
وتحت التوتة تستنـّى
حكاوينا
ونحكى الآهة والآهة
ولا حاسة اللى فى قلوبنا
ولا شايفة اللى فى عنينا
مع ذلك
لو الملايين تـِكـَفـّـيـكـــى
نكون شـُهــَدا
لو الخرطوش
مكانه بسّ فى عنينا
يا مرحب بيه
مافيش مانـِع
هاكون ممنون
هاكون قــا نــِــع
لكن بس ابقى إفتكرى
سيبى لى عين
أشوف بيها
فى يوم فـَرَحـِــك
دموع الفرح فى عيون الولاد بيكى
سيبى لى نبضة من قلبى
عشان ترقص فى يوم فرحك
سيبى لى حاجة من ريحتـِك
تونـّسنـى فى ضلمة قبرى
مع دعوة
سيبى لى ع الـكـَـفــَـن
إســـمــِــــــك
……….
بـــقـــلـــــم ا لـــشـــــا عــــــــر
أ بـــــو عــــمـــــــا ر ا لــــمــــصــــــــر ى
الإسم \ مـد بــولــى مـحـمـــود مـد بــولــى
جمهورية مصر العربية
ت \ 01096684351
email…[email protected]
