يا اللى قفلت الباب
ونسيت سنين عذاب
زمان دوقتها لي
إوعاك تفكر إنك
الجرح مش هيذلك
على كل حاجه زمان
ب إيديك سببتهالي
أفرح وعيش يومين
بكره هتبكى سنين
دا كله سلف ودين
وكل حاجه فاكرها
وب أيدى كتبتها لك
والدمع فاض على ورقي
من كتر جرحي وألمي
وقلت هيجى يوم
وبكره هردها لك
كان بنا حب كبير
وقلبى كان أسير
وما كنشي يوم سجانك
سمعت كلام الناس
ومات فيك الإحساس
وهدمت فرحه جميله
وحياه عيشتها لك
يا اللى زرعت الشوك
فى ورود حبى وحنانى
وقتلت حلم جميل
مولود فى بستاني
الورد منك كان برئ
دا الورد عمره ما كان جاني
مسألتش نفسك يوم
مين ظالم ومين مظلوم
وأنت بتهدم حلمي
اللى رويته من دمي
ماخطرش فى بالك إني
كان ايه أنا ذنبي
وأنى فى بعدك عني
بعدك ولاشيئ فاضلي
غير دمعي وحرماني
وقبلت ليه على نفسك
تعيش دور الضحيه
وأنت اللى قلبك قاسى
وأنت اللى سجاني
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
