قصيدة / لحن الوجع شعر عاميه
للشاعر/وليدالمصري (وليد السيد حسين )الاسماعيليه مصر
تليفون/ 01003616991
يهل الظلام ع البيوت
فيتمنع الكلام
ويملكنا السكوت
وبين جدار الصمت
وخيوط العنكبوت
نحلم ونبني الوعود
ويسود الهم ع الخاطر
خواطر ملهاش حدود
قيود تكلبشني في الوجود
فيعود الأمل جوايا
في اوضه نومي في سريري
انا قاعد وماسك عود
وبعزف لحن يوجعني
ومستني نهاري يعود
يشعر قلبي بالوحده
ومتحده الروح وأحلامي
عمري يمر في الثانيه
واشوف الدنيا في مرايه
ولا بدايه ولا نهايه
وايامي بقت ذكرى
بعيشها في صوره ع الحيطة
أشوف معالمها واتحصر
وبتأثر وحلمي بشوفه يتغير
فضلت أصرخ بصوت مسموع
حزين يا قلب اتولد موجوع
انا اللي تعبت من كتر البوح
بتاخدي منى الهنا
وتبدليه بدموع
وكأني طير مهاجر
وبيغادر الماضي
سنين الغربه تكسرني
ترميني في دوامه
وبحرغريق مالوش آخر
وبيعافر قلبي في الرحله
تاخدني الموجه للمرسي
واعود تاني لاوطاني
الاقي الفرحه تملكني
مع اني سافرت ع الفاضي
وبرغم القسوه والفرقه
بشوف البسمه في عيونها
وصوتها يرن في وداني
وحشتني يا ابني
تغمر عيوني الدموع
واترمي في حضنها
وأحلف ما اسيبها
ولا افارق في يوم أرضها
وبصوت حزين وخشوع
القاني بقولها سامحيني ياامه
ماهي أمي وامنا
وأم الدنيا ومفيش زيها
لساني قاعد على سريري
وماسك في ايدي العود
وشق الضوء مواويلي
ودموعي سايله ع الخدود
وابص بعيني للشباك
الاقي الصبح شقشقلي
وصوت عصافير تغنيلي
فياخدني النوم ويسرقني
لحلم جديد يوديني
