ليه تايهين .مسابقة الشعر العامى بقلم / محمد عبد المنعم عبد الحليم .مصر

خاص بالمسابقة
الشعر العامي
الاسم
محمد عبد المنعم عبد الحليم
اسم الشهرة
منعم
للقاهرة
مصر
01001343146

عنوان العمل
ليه تايهين

ليه
تايهين جوة مرايتنا. مش عارفين احنا مين.
خطاوينا نسيت أرضها
وبنتمادى ف غلطنا. عايشين ومش عايشين
وقلوبنا دا مش نبضها
لا حد خلاص سامعنا ولا بنسمع لحد
كل الرسايل ضايعة ولا بنستنى رد
حاجة ومش مفهومة. كل العيون مهمومة
وكأن كل البشر بقت خلاص مظلومة
مبقتش كل سكة ف يوم هنمشى فيها. الأفراح هتبان لنا
الطيبين راحوا مبقتش ف ايد تتمد ع الطريق وتدلنا
بقينا بألف وش
والصدق بطعم الغش
والحلم طار م العش
عايشين الدنيا ولا. الدنيا إللى عاشتنا
ليه
متغربين عن روحنا. حتى الحنين مسموم
كل دروبنا الحزن فارشها
شايلين ف قلوبنا جراحنا. بنام عليها ونقوم
واهى ايام وبنعيشها
بنخاف من بعضنا ما بنخافش على بعض
عايشين لنفسنا ما بتعيش لبعض
حاجة ومش مفهومة. كل العيون مهمومة
وكأن كل البشر بقت خلاص مظلومة
مبقتش كل سكة. ف يوم هنمشى فيها الأفراح هتبان لنا
و الطيبين راحوا. مبقتش ف ايد تتمد ع الطريق وتدلنا
بقينا بألف وش
والصدق بطعم الغش
والحلم طار م العش
عايشين الدنيا ولا. الدنيا إللى عاشتنا
كلمات
محمد عبد المنعم
منعم