مايلزمنيش.قصيدة للشاعر / سامى فرغلى

ميلزمنيش
مليزمنيش فانوس سحري
ولا من زعلي تنتحري ولا بحلم بملو الشوف
أكون قبطانك البحري ……. يا ست الــُحسن
ولا بكدب على نــَفسي ونـِفسي أكون ليكي نــَفسي
وأجبيلك من عيون الحور طبق أخضر كما البــَنور
ومركب حبنا أشواق تعدي بحور
تخطي السور وتشبهلي كده نــِفسي
أنا يا حبيبتي بتعايش
مابين شمسي وبين لــِيلي وحبي عملته أنا غوايش
عشان ما تحني وتميلي يطول ليلي… و مواويلي
وقناديلي عنيكي السود محــَوّطني …. وآسرّنــــــي
كده بقايش ………………… يا ست الــُحسن
أنا وهمي بنتشاكل وأقضي ليلي في مشاكل
ويجى الفََـــــــــــــــــــــــرح يعم القبلي والبحري ويطرح قمح
سنابل زي موج البحر ومطرة م السما بترخ
وأ َنصبلك يا الحبيبة فخ في مطرح ما أنتي بتعدي على مهلي
ومش عايز أنا المصباح عشان الحلم على قدي
وبدي أكونلك الفارس ….. أكون بدي
وأنا الحارس على كنوزك ولسه الدنيا بتعوزك
يطول ودي …. يعذبني …. يهمدني ……. يخليني ليكي أعدي
وأدوس ع الفخ يا ست الــُحسن
تأليف / [ (سامي محمد ابراهيم فرغلي ( قربان المصري)