ما تبصش على شكلي الحالى
ما تقولش عبوسه وما بتضحكش
ما تاخدش الحاله بشكل الوش
ّ كل التجاعيد اللي ف وشي
من الساهل جدا أخفيها
ّحبة مكياج مع لون الروج،
حبة “أيلاينر” أو بودره
ح تغيرّ حالا معانيها.
من الساهل أرسم ضحكة زيف
ودموعي الباينه ّ أخبيها
م الساهل أتغيرّ ّ بره، ّ
إنما من جوه ما بتغيرّش
واتغيرّ ليه؟
ّالجرح ما زال فى القلب كبير
والحزن ف دمي مع الشريان
ما انا كنت ف عز التوهه أمان
ُ والطير بيخش ف حضني ينام
وكأنى العش
وحلمت كتير ..
إنما كان حلمي ما يتفسرش
وشربت الدنيا كاسات صبار
ف طبيعي الوش ينز مرار
إنما متاخدش بشكل الوش
ّجربت تكون جوه الصورة؟
وتشوف الحلم المتكعبل
ف حبال الياس!!
جربت تحس؟…
وتمد ّ إيديك جوه البرواز
ّجربت تدور ف الأحلام
وتشوف الحلم العاجز فين؟
ترسم له على الجدران عّكاز؟
جربت تكون كرسي بهزاز،
على إيدك تتمرجح عصافير؟
ّجربت تطير؟ أصل انا جربت..
وطلعت لأبعد نجمه هناااك ،
سّلمت على القمرة بإيدي
وركبت الغيمة اللي بترقص ّ ،
و ف لحظة ما القلب اتنفس
حدفتني الشمس بألف شعاع،
ولقيتني ف ّ إيد حبة أمطار
واقعين ع الأرض.
