مش إبنها ..!!
*********
ـــــــــــــــــــــ
يا قايد نارها ولهيبها
يا ناكر عيشها و حليبها
أنت مش ابنها ولا حبيبها
أنت مش ضناهاولا بتريدها
أصلك موهوم
وفكرك مسموم
ب تتدارى ف الدين ..!
لا يعجبك واقفين ..!
ولا يرضيك قاعدين ..!
ولا شايف ساجدين ..!
****************
بتخطط وتدبر
وتفجر وتغبر
وتكسر ما تجبر
وتقتل وتكبر ..؟!
**************
تعرف إنك مذموم
مأجور ومغموم
مكرووووووووووووووووه ..
من هواها وطينها
مكرووووووووووووووووه ,,
من ترابها وهلالها وصليبها
أصلك ما رضعتش من حليبها
أنت سهم مسموم
وشوك ف جريدها
وسم ف عناقيدها
***************
داء ومقسوم
والقسمة مش بإيدها
ودا قدرها ونصيبها .
لما تجحد وتصيبها
لما تقيد النار ف قلبها
وتفرق ام عن إبنها
وتقتل وتدمر وتخرب
تبقى مش إبنها
*************
غرضك متغمس بالدم
دم مين مش ح يهم
هدفك حافظه صم
وفكرك انك شهيد
بتخدع نفسك ؟؟ !!
واللا بتخدعنا
يايلى بترقص على أوجاعنا
وتعزف وتغنى فرحان
زى الشيطان .. زى التعبان
لما يقرص من غير ما يبان
ويطلع فجأة ب بيان
إنه القاتل المسؤول :
حرباية ف عش غربان ،
ونسى إنه كلب وليه نيبان
بس جبان .
ــــــــــــــــــــــــــــ
بقلم / ياسر العمورى
