مش بإيدى ياحبيبتى..مسابقة شعر العامية للشاعر/ محمود محمد موسى

(*قصيدة::مش يايدى ياحببتى*)

مش بايدى ياحببتى تجف فعنيه الدموع.

مش بايدى تتخنق صرخت ألم بين الضلوع.

أو يغيب عنا قمرنا..وتنطفى كل الشموع.

غصب عنى مش بخاطرى..مستحيل تانى الرجوع.

مش بايدى ياحببتى.

شموع هوانا أنتى بايديكى طفيتيها.

ونهاية الحلم الجميل..كنتى ليه بتكتبيها.

وسنين لقانا مش أنا..أنتى بردو اللى نسيتيها.

فاكرانى هارجعلك..وتانى ترجعيها.

مش بايدى ياحببتى.

أنا كنت حاسس من سنين..ان الزمان هايغيرك.

وتقاسى من الشوق والحنين..لما الليالى تسهرك.

وتحلفينى باللى كان..وهاتشتكيلى من الزمان.

وتفكرينى بالمكان..وبالأغانى اللى استمعناها زمان..

لاجل مارجعلك كمان..

مش بايدى ياحببتى.

جرحك لقلبى بدل البسمه آهآت.

هجرك لحبى صحى ليل الذكريات.

عشقك لظلمى قسى قلبى.

وخلى الحزن ف حضنى بات..

علشان كرامتى وكبريائى.

عمرى ماندم ع اللى فات..

عمرى ماندم ع اللى فات..

مش بايدى ياحببتى.

(*شعر::محمود محمد سعيد موسى