ط
مسابقات همسهمسابقة الشعر

وجع الوطن ..مسابقة الشعر العمودى.للشاعر / رؤوف حجر من مصر

وجع الوطن :
ـــــــــــــــــ ( للشاعر / رءوف حجر )
موجوع يا صوت الوطن محشور ما بين معانيك
مخلـــوع يا قلب الأمل م الدمــــــع جوه عنـــــيك
من لمة الأنــــدال اللى إتحوطوا حوالـــــــــــــــيك
ودم الشهيد بيضيــــــــــع جــوه تراب معالـــــيك
يوم الفقير إتقســـم بين الشــــقا والجــــــــــوع
ضهر المريض إتقطـــــــم مابين جراح ودمـــــوع
ويومنا إحنا الغلابه …مقسمـــــــينه علــــــــــــيك
نصبح ونشقى ف تعب و الصحه شحت فيـــــك
كارهنا ليه ياوطن و للا احنا كارهيـــــــــــــــــــنك
بايعــنا ليه يا وطن واحنا اللى شارييــــــــــــــنك
سرقت منا الزمـــــــن وللا احنا اللى سارقيـــنك
وأنا اللى نفسى أموت علشان سداد ديــــــنك
ولمين اروح يا وطن وابكى بدمــوع عيــــــــــنك
الهدمه دابت يا وطن ولحمـــــــــــــنا أهو بــــان
مين اللى لخبط عمرنا ودمنــــا أهـــــــو هــــــان
طعم الرغيف يا وطن أصبــح بطــــــــعم الملــح
والنعمه زالت يا وطن و صوتنا فيك إتبــــــــــح
عمرى خلاص يا وطن قرب على الخمســــــــين
شفت العذاب من آهاتك سنين وراها سنــين
من كام عصابه بتسرقك و إحنا مش شايفين
عصابه حكمــت فيك من السنـين ثلاثـــــــــــــين
وعصابه حبت تنهبك لعصابــه ف فلسطـــــين
و اتقاسموا فى التورتايـــه من دمـنا إحـــــــنا
واحنا اللى يوم ماجـــــــبناهم هيصنا وفرحـنا
سرقوك فى ظرف السنه وسرقوا أفراحــــــنا
وزالوا عنك يا وطن وفضـــــــــــلنا فيك إحــــــنا
نفسى أشوف بسمتك باينه على خــــــدودك
نفسى تشد الحيـــــــــل وأشــــد لك عــــــــودك
و إن أكلتنا الفتافـــــيت أهو كله من جـــودك
ما تجـود علينا ياوطــــن فرحــــــــنا بوجــــــودك
أنا نفسى تفضل يا وطن طول السنين منصان
وإن قل مالـى عليك أفديـك وانا فرحـــــــــــــــــان
إوعدنى ترجــــــــع يا وطن فوق الرءوس عالـى
يللى هـواك العليـــــــــــــــــل هو راس مالـــــــــى
أفديك بمالى وللا بعيالى …
بس إنت ترجع يا وطن جوه العيون منصـــــان
و ( تحيا مصر – تحيا مصر – تحيا مصر )
( الشاعر / رءوف حجر )

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى