من أهازيج الأفراح في الريف
إبتكار معوض حلمي الفلاح الفصيح
…… هات اللي. جابك …….
…………………………………..
ياللي غاوينا هات اللي جابك
حود علينا واعمل حسابك
دا البت زينه إسعد شبابها
غاليه ورزينه ومعروف ادبها
إطلب إيديها واكتب كتابها
طبطب عليها تسعد شبابك
………………
ياللي غاوينا هات اللي جابك
حود علينا واعمل حسابك
دي بنت عيله هاتعمر دارك
ماهيش عويله وتولع نارك
هاتكون ضليله لو مال جدارك
وهاتبني عيله عزوه لجنابك
……………….
ياللي غاوينا هات اللي جابك
إطلب إيدينا واعمل حسابك
هات القرايب وتعالوا الحاره
وادعي الحبايب والجار والجاره
دا البلح طايب عبي الشيكاره
وانت الاماره هانعين منابك
…………………
