الشاعر/ محمد احمد السيد عوض — الشهير ب / محمد العوضي
العنوان / الزقازيق – مصر — موبيل / 01093400930
الجنس الادبي / قصيدة عامية بعنوان / من الاوائل …..
من الاوائل
ايوة عايز ايوة عايزة عايزة تبقي بذاتي فايزة
خدنا من اشواقنا جايزة كررتنا من الاوائل
عوزت عازت بالتبادل فزت فازت بالتعادل
كل دا طبعا يدل انه ظبطنا المسائل
ذاتي لذّاتها في ذاتها مَزّة من لذّة ميزاتها
ذات وبالذات انجازتها انجزت جازت جواز
حنّت الحنية حنّت ملت ما ملّت ومالت
حان حنين الحب حللت حين محللت نُلت نالت
سلسبيل الننّي سبّل سبّلت والشوف سليل
ساب سبيلي وسبته قبّل سنبلات رمش الجميل
جاب جواب الشوق اجابة اوجبت كل الوجوب
جاب جبيني جبينها جابت من مجايب الحب دوب
حبّة حبّة الحب حب ييجي يتحابي ف حبايبه
حُبها جه بمسكه هب كل محبوب حب نايبه
بوحنا بللي مباح وضحنا ساح وراح بينّا الجراح
والريحان روّح فرَحنا عطره في ارواحنا فاح
اوّلت قولي الل قولته بقول حبيبي
والقول اللي اتقال مقلّش تقله صب
طيّبتني بطيب فطبت وطاب طبيبي طببت قلبي اللي طب
اصفي م الاصداف وصُفّة صفصفت قلبي اصطفاها
صف صفو اصطف صدفة صفوة صفصافة ف صفاها
عقلها عاقل وواعي ليا عائل ووعا ديّه
داعي ليها وداعي دا مدعو ف دعائي نورعنيا
شعشعت شعري وشعوري من مشاعر حب جم
تمتمت تيمة لتمامي تممت بيها اللي تم
