هل تعلمين !! عايزه تخسى وبسرعه !!تحذير مهم جدا ** انتشرت فى الفتره الاخيره اعلانات ودعايا فى عدة اماكن على خصومات وعروض خياليه على الكافيتيشين والراديوم والكرايو والانفراريد والعمليات حتى ان بعضها عرض التقسيط ايضا وذلك لان معظم الحاجات دى ثبت ان مفعولها ضعيف فى حالات كتير ولا تفيد الا فى حالات معينه قليله ومعظمها اضرارها اكتر بكتير من فوايدها ونصيحه قبل ماتفكرى فى التجربه بسبب هذه الاغراءات الماديه اعملى سيرش على مواقع النت العالميه واسألى حالات تعرفيها جربت قبل كده فى المركز اللى قررتى الذهاب اليه.. وطبعا لا تصدقى معظم برامج الاذاعه والتليفزيون لانها بتكون للدعايه مدفوعة الاجر وبيتم دفع مبالغ كبيره للظهور فى هذه البرامج للدعايه لاماكن وطرق معينه ..وطبعا لا تصدقى اى حد على صفحة المكان بيشكر فى الحاجات دى لانها ممكن تكون بتوصيه من صاحب المركز حتى لا تكون التجربه ضاره وبعد كده تندمى.. حتى ان بعض المراكز لجأ الى شهادة الايزو ومعروف ان شهادة الايزو بتتاخد بسهوله بطريقه معينه!! (وأغرب طريقه ان احد المراكز عمل مسابقه لاكتر واحده تعمل لايك وكومنتات وشكر فى المركز تاخد خصم كبير وطبعا الكل دخل يشكر فى المركز ويعمل كومنتات ودعايه متكرره كتير جدا علشان يكسب الخصم !!!!!!!!!!) و سبب فى خسارة فلوس بدون فايده وممكن تسببلك ايضا بعض المشاكل الصحيه ……ورجاء للجميع ارجوكى لو عايزه تخسى ومش نافع الدايت والرياضه بلاش تاخدى قرار متسرع فى اى عمليه او بالون المعده او شفط الدهون بالليزر والفيزراو الشفط العادى او النحت او الكرايو الا بعد تفكير وبحث لأن الحاجات دى اخطارها كتيره جدا وبعضها بدأ يظهر له اثار سلبيه ضاره و العمليات والشفط مش بتتعمل بره الا للضروره القصوى للحالات اللى وزنهازايد جدا فوق 150 كيلو مثلا ولازم قبل ماتعملى اى حاجه تسألى ناس تعرفيهم كويس عملوها قبل كده و تتابعى على النت وتعملى سيرش على مواقع النت العالميه بره مصر على الحاجه اللى بتفكرى تعمليها لان بره بيقولوا الحقيقه مش زى كتير من المراكز فى مصر بيقنعك بغرض الربح فقط وبعد كده تندمى وحالات كتير بتجيلى العياده بسبب العمليات دى لاصلاح ما يمكن اصلاحه بجلسات الميزوثيرابى الموضعيه …وبالنسبه للكرايو (تجميد الدهون) ظهرت مشكله خطيره اعادت التفكير فى موضوع الكرايو وهى اكتشاف ان تجميد الدهون بيجمد كمان معاه الشعيرات الدمويه داخل الدهون مما قد يتسبب فى تليف وأورام وكانسر بعد كده فى بعض الحالات وحتى لو حدث تحسن بسيط بالكرايو بيكون نتيجة ان تجميد الخلايا الدهنيه صغر حجمها شويه وبعد الجلسات ترجع تانى لطبيعتها……. وحتى لو هناك مشكله ماديه و دى حاجه عاديه بالنسبه لظروف البلد حاليا بالنسبه لبعض الطرق الفعاله كالميزوثيرابى ممكن تتعبى شويه و تواظبى على نظام غذائى ورياضه بانتظام ممكن يحقق نتيجه طيبه فى حالات كتير.. د/كميل كامل (استشارى الباطنة و علاج السمنة).
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
