. قالوا زمان مفيش راجل ممكن يعيط .. وأنا رغم إني راجل قوي .. من يوم ما عرفتك .. زى العيال الزنانه ما بطلتش أعيط .. ما أنا من يوم ما عرفتك بجد .. وانا كلي جراح .. موش عارف إيه منهم أسيبه ينزف .. ومين فيهم بسرعه أنظف و أخيط .. تصوري .. أنا كنت فاكر صدرك راح يكون ليا دفا وسكن .. لقيته شوك .. كل ما المسه من الألم أقعد أصوت .. يالي أنا هنا وأنت هناك .. قولى ليا.. أنا لما تحتاجيني وألا أحتاجك في يوم .. إزاي عليك رغم البعد أقدر أطبطب و أحوط .. عموماً عاوزه تبعدي أبعدي والله أكيد راح تعودي .. بس نفسي تعرفي .. أنا إلي شايله ليك جوه قلبي شىء نقي .. غالي قوي ..وإنك أجمل وأطهر فصل في قصتي .. و تأكدي إني مستحيل في يوم راح بسهوله أفرط .. عموماً أنا لو خسرتك موش راح أحاول على غيرك أدور .. لاني خسارتي فيك وليك راح تكون كبيره قوي .. زي خسارتي في موت أبويا وأمي مستحيل تتعوض .. تغريدة حزن .. بقلمي / احمد بيومي
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
