نبين زين. مسابقة شعر العامية بقلم / على محمد على

خاص بالمسابقة
الاسم / علي محمد علي
العنوان /مصر -قنا
المشاركة الثانية – عامية
بعنوان (العرافة)

نبين زين…….
ونشوف الودع نبيييييين………
نبين زين أنا نبين ………

= انتي ياست ياسمك ايه …..؟؟….

ارمي بياضك ولو ربع اجنيه ……

= عندي قضية مستعصية …
شاغلا دماغي مـ الصبحية …
عندك حل.. ؟؟ ليميني عليه…

-طب وشوش ودعي ياسمك ايه..

=واقله ايه؟؟؟!!!!…..

– احكي سرك وقوله عليه ……

= وشوش وش.. وشوش وش…
ها قلك ايه؟؟؟؟…

– الودع يابن الناس…
بيقول انك محتاس….
وال شغلك قلي عليه….

= طب قولي بقا .. قلك ايه؟….

-فيه حب صبية….
عشق كبييييير ……

= ها ؟؟؟!!!!!!!!!!!!!!

– ما تخفش ياسيدي السر فـ بير ……..
شاغل البال والتفكير ……….
حبتها ازاي .. ايه .. مش سمعه
مفيش تفسير ………
وشوش تاني الامر خطير…….

= وشوش وش…….. وشوش وش ……..

– فرمشها سارح …
ومن ليلة أمبارح ما زارك نوم……
وع الحال دا بقالك يجي تلتين يوم …..
اطمن يابني وبلاش توهان …….
بتحبك برده وعيشه عشانك ….
وتموت ميت مره لو شي شانك ……
شرياك يابني ومش هتبيعك ………
ولو وزنوها بتقل المال ……
اصلك يابني ابن حلال ….

= ايه ؟؟؟…………

– هي كمان عنها عليك ..
طول اليوم تفكر فيك…

= طب والحل ياست الكل …..؟؟

– ارمي بياضك صباحك فل ….

= ادي جنيه…..
حلك ايه … ليميني عليه .؟؟…..

=نصيبك هيصيبك ….
وهتفوز بحبيبك….
وحسادك هيزيدوا اتنين….
قلب حبها زيك …..
وقلب شيلك فـ نن العين …

= ياساتر اكفيني شر العين ……

-وقدامي شيفه ع اللرمل مرادك ….
بعد نقطتين … قول يومين .. قول شهرين …

= بس بس ابوس ايدك
اوعي تقولي سنتين…
دانا اروح فيها…
واجيب صبر لدا كله منين ؟!!!!!!!

– متخفش عليها يابن الناس
عيونك ليها اكبر حراس..
كفيها حبك ياحبيب..
لا نزل فـ كتاب ولا عرفه كراس..
هه .. الم عزالي … ولي حلوتي…
ولا كلام وخلاص ؟……..

= ليكي حلوتك ولو بالماس …….

– نبين زين يازين
نبين زين
__________
عـلـ محمد ـي
ــــــــــــــــــــــ