حطوا إسمك
شالوا إسمك
من قرار حد انهطل
إنت بإذن الله شهيد
هما فينهم كانوا منهم
اللي قالوا
غصب عنهم إنك بطل
كنت راجل من حديد
نسيوا روحك
نسيوا همك
نسيوا إخلاصك ودمك
نسيوا أمك من جديد
نسيوا أمك من جديد
كانوا قالوا إنك أمل
زينة الشباب
وإنك حاميها المحتمل
من الإرهاب
وإنك شجاع وقت العمل
من غير حساب
ولما عمرك إكتمل
كان القدر حكمه الكتاب
كان القدر حكمه الكتاب
إبتسمت وإنت شايل
سلاحك
وانت الألم خانق
جراحك
وانت بتنطق شهادة
نجاحك
في امتحان الدنيا الهباب
في امتحان الدنيا الهباب
ولما مت احتفلوا بيك
قالوا الشهيد ده إبننا
حفروا إسمك كرامه ليك
ياخويا وانت ف قلبنا
وقالوا حقه هديه ليك
هييجي لو بعمرنا
هييجي لو بعمرنا
أيوه منهم
البطل والشجاع
واللي اتولد شهم وأصيل
ومنهم
اللي خان واللي باع
واللي كان معاهم عميل
واللي كان معاهم عميل
وحسبي الله ونعم الوكيل
حسبي الله ونعم الوكيل
كلمات الشاعر
