ط
مسابقات همسهمسابقة القصة

هروب.. جزء2 مسابقة السيناريو والحوار بقلم / شادى الشافعى من مصر

مشهد 66 ليل \ داخلى غرفة نوم حسام
يدخل زين من الشباك غرفة نوم زين ويضع السكين حول عنقه
زين : بعت صاحبك بالرخيص يا حسام اصحى فوق
حسام : مين زين
زين : يا كلب
حسام : انت فاهم غلط يا زين انا وفقت جنب جيكا لاخر لحظة وانا زيك واثق من براءة جيكا
زين : امال تسمى اللى حصل ده ايه
حسام : انا بحاول اثبت برائته وعايزك تساعدنى
زين : نفسى اصدقك عالعموم انا رقبتى لجيكا وهمدلك ايدى لاخر مرة علشان نثبت براءة جيكا
سلام يا شقيق ( يغادر زين الشقة ويخرج من الباب )
حسام : حتى انت يا صايع وربنا انت كمان لتشوف قلبتى

مشهد 67 نهار \ داخلى غرفة التعذيب الامن الوطنى
جيكا جالس على كرسى ومربوط ودماؤه تسيل على ملابسه وفوق دش يرش عليه قطرات مياه
يوسف : مش عايز اقولك انا سعيد اد ايه بوجودك معانا هنا واتمنى ان انت كمان تكون اتبسطت معانا
على فكرة انا موصيهم انهم ميقروصوش عليك انت برده غالى عندنا
جيكا : انتو عايزيين منى ايه
يوسف : ولا حاجة انك تتكرم وتتعطف وترشدنا على امير الجماعة وافراد الجماعة وبس هتعد ساعتها فى التكييف ونسلمك للنيابة تشوف شغلها بعد ما احنا نشوف شغلنا
جيكا : اقسم بالله انا لا اعرف حاجة ولا عملت حاجة
يوسف : ( يمسك يوسف راس جيكا بقبضة غضب ) انا مش حزرتك من الكدب والحلفان يظهر انك لسه مجربتش زعلى واصل لفين
جيكا : احنا مبنخفش غير من ربنا وعمرنا ما هنركع لبنى ادم
يوسف : تمام سد يا رجولة

مشهد 68 نهار \ داخلى صالة شقة جيكا
العائلة جالسة تشاهد الانباء فاطمة وكامل وعبير وهدى وسيد نشرة الاخبار
المذيعة : تم القبض بالامس على جابر كامل جيكا المتهم بقتل السفير الامريكى هذا وقد يتم اليوم اولى جلسات التحقيق معه
فاطمة : جيب العواقب سليمة يارب وفك كرب ابنى
كامل : يارب نجى ابنى يا قادر يا كريم
هدى : ان شاء الله ربنا هيظهر الحق
عبير : صح ان شاء الله خير

مشهد 69 ليل \ داخلى مكتب النقيب حسام
الرائد عصام جالس امام الرائد حسام
عصام : يا فندم كتير التعذيب اللى خده الولد ده بتاع قتل السفير
يوسف : ده كمان صعبان عليك ده قتل سفير امريكا يعنى بيلبس البلد فى نصيبة
عصام : وسيتك واثق كده ليه انه قتله مش يمكن يكون برىء
يوسف : وتحرياتنا وتحريات الظابط حسام واداة الجريمة كل ده ايه
عصام : حتى لو قتل ده برده انسان سيدتك واحنا مش قضاة احنا ظباط
يوسف : اقعد اتكلم بالكلمتين البايخيين بتوع الحرية اللى ملهمش اى لازمة هى الثورة اللى عملت فينا كل ده وخلتنا اسمع كلام زى ده من رتبة اقل منى
عصام : الثورة نضفتنا يا باشا غيرت فينا حاجات كتير خليتنا نخلص من الفرعون وان كبيرنا بس ربنا مش انسان الظابط زى الفلاح زى القاضى زى العامل
يوسف : انت كلام التليفزيون اثر عليك يا عصام
عصام : كلام التليفزيون بقى بينور العقول بعد ما كان بيحجمها

مشهد 70 ليل \ داخلى زنزانة جيكا
الرائد عصام يدخل زنزانة جيكا يضع له الشاويش كرسى وينصرف يجلس عصام امام جيكا الجالس على الارض
عصام : انا عايز اسمع اللى انت عايز تقوله اللى حصل بجد بدون املائات او اى تدخلات من حد
جيكا : معنديش حاجة اقولها يا باشا مفيش حاجة حصلت
عصام : كنت فين وقت الحادثة
جيكا : مش فاكر
عصام : يعنى كنت فالبيت على القهوة مع اصحابك معلش حاول تفتكر والله يا ابنى انا عاوز اساعدك انا لو ثبلتى انك برىء هقف قصاد الدنيا دى علشان اخرجك من هنا
جيكا : ودى هثبتها ازاى يا باشا انا غلبان ومقدرش اقول كنت فين
عصام : انا عايز اوفر عليك وعلى عيلتك بهدلة عمرك ما هتقدر حجمها عندك ده ممكن يوصلك انك تشوف حاجات تكره نفسك وتكره الظروف اللى وصلتك لهنا انا عايز اساعدك وقت ما تعوز تتكلم انا موجود
( يقف عصام ويشير للعسكرى بفتح باب الزنزانة يخرج عصام )

مشهد 71 نهار \ داخلى مكتب الرائد عصام الامن الوطنى
تدخل ريم مكتب الرائد عصام وتجلس امامه
عصام : مين حضرتك
ريم : انا اسمى ريم وعندى معلومات مهمة فى قضية جابر عبد الحق جيكا ( موسيقى تصويرية قوية )

مشهد 72 نهار \ داخلى زنزانة جيكا
يفتح الشاويش الزنزانة ويدخل
الشاويش : سيادة الرائد عصام باشا عايزك تعالى معايا
( يقوم جيكا ويخرج مع الشاويش )

مشهد 73 نهار \ داخلى مكتب الرائد عصام
يدخل الشاويش المكتب ومعه جابر تقف ريم
جيكا : ريم
ريم : اذيك يا جيكا
جيكا : الحمد لله على كل حال
ريم : ان شاء الله ربنا هيظهر برائتك انا قبل ما اجى عيدتك على طنت فاطمة واخواتك وهما الحمد لله بخير
جيكا : الحمد لله متشكر قوى يا دكتورة ريم
ريم : لسه مبقتش دكتورة لما تخرج ان شاء الله ونكمل الرسالة هبقى دكتورة
جيكا : متعلقنيش فى امل مش موجود يا استاذة ريم
ريم : الامل موجود طول ما ربنا موجود ادعيله يا جابر وهو اكيد هيقف معاك سبحانه قال انا عند ظن عبد بى فان خير فخير ربنا هيفك كربك ان شاء الله

مشهد 74 نهار \ داخلى طرقة فى جهاز الامن الوطنى
يوسف باشا يسير فى طرقة جهاز الامن الوطنى مع موسيقى تصويرية قوية

مشهد 75 نهار \ داخلى مكتب النقيب يوسف
الرائد عصام يدخل ويجلس امام النقيب يوسف
عصام : اذيك يا يوسف باشا نورت الامن الوطنى معاليك
يوسف : النور نورك يا عصام باشا التقرير قدامى اهو باللى حصل اليومين اللى فاتو بس انا عايز اسمع منك
عصام : مفيش اى جديد سيدتك
يوسف : يعنى الواد جابر مجلوش زيارة ودخله 2 ليمون وقاعدة قاعدة حلوة مع البت اللى جاتله
عصام : كلام سيدتك فيه تريقة
يوسف : لا خالص بس انا عارف ان معاليك قلبك رهيف وحنيتك زايدة وطبعا التعذيب كان متوقف وكان بداله مزيكا هادية ومفيش مانع من بوكيه ورد
عصام : سيدتك انا شايف انى شفت شغلى ومقصرتش فيه واسلوب سيدتك غير اسلوبى وانا حاسس ان الواد برىء
يوسف : طظ فى احساس معاليك المهم عندى احقق العدالة وانضف البلد من العيال اللى زى دى

مشهد 76 نهار \ داخلى زنزانة جيكا
يدخل النقيب يوسف ومعه خلف وسعد ويقفون امام جيكا الجالس ارضا
يوسف : طبعا انت رحرحت وفكيت اليومين اللى فاتو دول علشان انا مكنتش موجود بس انا رجعتلك يابن بطة وهتتروق وهتتظبط شايف دول خلف وسعد دول اللى هيظبطوك تمام
جيكا : انا قولتلك يا باشا جيكا مبيخفش غير من اللى خلقه
يوسف : انت بتلعب على ارضى يلا وهنشوف مين اللى هيكسب

مشهد 77 نهار \ داخلى مكتب الظابط حسام
زين امام حسام فى مكتبه
زين : خير يا حسام انت بعتلى ليه عشان جيكا
حسام : لا انا بعتلك علشان اعقللك
زين : تعقلنى
حسام : اه ابعد عن طريقى احسنلك لو مش عايز تبقى زى جيكا
زين : ابعد عن طريقك يبقى انا كنت صح
حسام : اه كنت صح ولو عايز تبقى زى جيكا اهلا وسهلا القضايا مفيش اسهل منها وهتبقى على مقاسك برده بس المشكلة انك متساويش تلاتة ابيض وانت غير النمر

مشهد 78 نهار \ داخلى غرفة التعذيب
Shot 1 جيكا مقيد ودماؤه تسيل ويعذب بالكهرباء
Shot 2 جيكا مقيد ودماؤه تسيل ويعذب بالكرباج
يوسف يشاهد جيكا يعذب من قبل خلف وسعد
يوسف : برده مش عايز تتكلم يلا
جيكا : معنديش حاجة اقولها يا باشا
يوسف : وماله لسه عندى كتير ياما فى الجراب يا جيكا

مشهد 79 نهار \ داخلى مكتب النقيب يوسف
الرائد عصام جالس امام النقيب يوسف
عصام : يا باشا كده كتير يا باشا احنا عملنا شغلنا وخلاص فيه نيابة تحقق معاه
يوسف : انت لسه بدرى عليك يا عصام علشان تعرف ان فى القضايا الكبيرة اللى زى دى علشان تسلم المتهم للنيابة لازم تكون خدت منه اعترافات مين اللى مشغله مين الناس الكبيرة اللى وراه الواد لوحده مش قضيتنا ما يولع الواد احنا كل همنا الجماعة
عصام : يا باشا الواد ده ولا قدامه ولا واره ولا فيه جماعة اصلا الواد برىء
يوسف : يعنى مفيش قضية والاعلام والداخلية وكل دول مبيفهموش اكتر من معاليك سيادة الرائد الواد ده بتاعى والقضية قضيتى ( يدخل خلف وسعد المكتب )
خلف : الواد شكله مات يا يوسف باشا
يوسف : مات

مشهد 80 نهار \ داخلى صالة شقة جيكا
فاطمة خارجة بصينية شاى تقع ارضا وتقع من يديها الصينية يجرى عليها هدى وعبير ويسندوها لتنهض
هدى : ماما
عبير : مالك يا ماما
فاطمة : نخذة فى قلبى جيكا ابنى تعبان انا حاسة بيه
هدى : ان شاء الله ربنا يظهر برائته وتطمنى عليه
فاطمة : يارب يارب يا هدى

مشهد 81 نهار \ داخلى امام غرفة جيكا المستشفى
الرائد عصام وبجواره الدكتور
عصام : خير يا دكتور طمنى
الدكتور : لو عدا الساعتين دول ومحصلش حاجة ان شاء الله هيبقى كويس ربنا يستر وميحصلش اى تطورات
عصام : يارب

مشهد 82 نهار \ داخلى غرفة جيكا المستشفى
الكاميرا على الساعة ثم تتحرك الى الرائد عصام الجالس بجوار جيكا وهو نائم
عصام : انا مش عارف ايه اللى دخلك فى اللعبة دى بس انا اتاكدت انك برىء بس مش عارف انا ممكن اساعدك ازاى وازاى هنثبت ان القضية اتلفقتلك خاصة انك قتلت فعلا فى نفس اليوم ونفس الساعة وبنفس عيار السلاح صدفة استغلت ضدك وبقيت متهم فى اكبر قضية شاغلة الراى العام

مشهد 83 نهار \ داخلى صالة شقة جيكا
يدق الباب تفتح عبير يدخل زين فاطمة جالسة على الاريكة
فاطمة : خش يا زين ازيك عامل ايه
زين : انا كويس الحمد لله انا جاى اطمن عليكو واشوف فى اخبار عن جابر ولا لا
فاطمة : مفيش يابنى والتليفزيون بطل يذيع اخباره من بعد ما مسكوه
زين : قادر ربنا يظهر برائته انتو محتاجين حاجة ياما ناقصكو حاجة
فاطمة : تعيش يا ابنى مستورة والحمد لله
زين : طب استئذن انا ياما ولو احتاجتو حاجة انا موجود ياما وسيد عارف مكانى
فاطمة : تعيش ياابنى طب اقعد اتغدى معانا
زين : دايما عامر ياما معلش خليها مرة تانية سلام ( يخرج زين وتغلق هدى الباب )

مشهد 84 نهار \ داخلى غرفة جيكا المستشفى
يستيقظ جيكا يجد الرائد عصام بجواره
جيكا : عصام باشا
عصام : حمد الله عالسلامة يا بطل يا راجل
جيكا : بطل و راجل ازاى ده
عصام : انا عرفت الحقيقة انك مقتلتش السفير وانك بكل رجولة دافعت عن اختك
جيكا : الكلام ده مش مظبوط انا معملتش كده
عصام : يا ابنى انا عايز اساعدك
جيكا : يا باشا عمرى ما هقبل ان اختى تيجى سيرتها على كل لسان علشان اطلع براءة
عصام : انت راجل يا جابر وجدع وعلشان كده انا هقف معاك انت مش هتخرج من هنا على الامن الوطنى انت هتخرج منها عالشارع
جيكا : ازاى الكلام ده
عصام : انا ههربك يا جيكا انا خططت لكل حاجة مش هسمح انك ترجع الامن الوطنى وتموت على ايد ظابط خاين لبلده باسم تحقيق العدالة
جيكا : يا باشا انت واعى انت بتقول ايه الكلام ده معناه مسئولية كبيرة وفى محاكمة كمان
عصام : عارف بس مش مهم المهم انى مشلش ذنب برىء بيتعذب وبيموت من غير ذنب
جيكا : يا باشا انا مش عارف اقولك ايه بس
عصام : مبسش ومتقولش حاجة انا عايزك بس تركز معايا وتعرف انت هتعمل ايه علشان كل حاجة تتعمل صح زى ما رسمتها

مشهد 85 ليل \ خارجى كابينة تليفون الشارع
جيكا يتحدث فى التليفون
جيكا : ردى يا ريم

مشهد 86 ليل \ داخلى ريسبشن فيلا ريم
يرن هاتف ريم الموجود على طرابيزة الانتريه تاخذه ريم وترد
ريم : الو جابر انت هربت انت فين دلوقتى يا جابر ايوة عارفة الشارع حاضر هكون عندك

مشهد 87 ليل \ داخلى مكتب اللواء رشدى الامن الوطنى
يوسف و عصام امام اللواء رشدى
يوسف : سيدتك الرائد عصام هو المسئول وهو اللى هرب جابر عبد الحق
عصام : محصلش يا سيادة اللواء النقيب يوسف عز الدين عايز يحملنى المسئولية علشان الاختلاف فى وجهات النظر علشان الاسلوب اللى بيستخدمه مع المجرمين

مشهد 88 ليل \ خارجى سيارة فى شوارع القاهرة
ريم تقود السيارة وجيكا جالس على الكنبة الخلفية فى السيارة
جيكا : هنروح فين دلوقتى ممكن يكونو مراقبين فيلتك
ريم : مش هنروح الفيلا هنروح شاليه مرينا
جيكا : طب ازاى انا الدنيا كلها بتدور عليا
ريم : انت تسيبلى نفسك خالص وانا هتصرف وهحل كل حاجة حاجة حاجة
جيكا : انا تقلت عليكى قوى
ريم : بالعكس انا لسه معملتكش اى حاجة انا هقف جنبك لحد ما موضوعك يخلص خلاص
جيكا : طب ليه ايه اللى يجبرك يا بنت الناس
ريم : انت نسيت انك انقذت حياتى ولا ايه
جيكا : صحيح مين اللى كان عايز يقتلك معتقدش ان واحدة زيك طيبة وبنت حلال وهانم كده ممكن يكون ليها اعداء
ريم : لا ليا شريف اللى كان خطيبى فاكر اللى اتخانقت معاه يوم النادى علشانى
( يسرح جيكا )

مشهد 89 نهار \ داخلى مكان السيارات داخل النادى
ريم واقفة بجوار جيكا بجوار سيارة ريم ياتى شريف ويصفعها قلم قوى
شريف : انت واضح متعرفيش مين شريف الخشاب ولو اهلك معرفوش يربوكى انا هربيكى
( جيكا يضرب شريف لكمة فى الوجه ثم فى البطن ينحنى شريف ويعطى جيكا ضربة بالكوع فيقع ارضا يعطيه جيكا لكمات بالارجل ثم يرفعه من لايقة القميص )
جيكا : ها يا سوسن جاى تعمل دكر على واحدة ست لو الرجولة حارقاك وراحة جاية معاك اهو النمر وراك واداك على قفاك ها تروح هنا ولا هتروح هناك
شريف : هروح هناك
جيكا :جيكا هيستناك اعتذرلها ياه
شريف : انت متعرفش انا مين
جيكا : بقولك اعتذرلها ويا قبلت يا هتنفض تانى هنا
شريف : انا اسف يا ريم
جيكا : اسيبه يغور ولا يتروق تانى يا استاذة
ريم : سيبه يمشى ( يترك جيكا شريف فيسير شريف بعيدا )

مشهد 90 ليل \ خارجى سيارة فى شوارع القاهرة
ريم تقود السيارة وجيكا جالس على الكنبة الخلفية فى السيارة
جيكا : صح انا كنت سقطته من دماغى انا لو رايقله
ريم : انت عملت الواجب وخلاص وبيتهيئلى هو خلاص بعد اخر محاولة ليه دى اتعلم الدرس تمام
تحب تسمع ايه عندى كل الالبومات بلورى ميوزك
جيكا : اى حاجة لشفيقة ( تشغل ريم اغنية متخفش من بكره لجنات )

مشهد 91 ليل \ خارجى قبل الكارتة 30 متر
تقف ريم بالسيارة قبل الكارتة تنزل ريم وجابر
ريم : هنعمل ايه هتدخل فى شنطة العربية ولا ايه
جيكا : لا وارد انهم يفتشوها
ريم : امال هنعمل ايه
جيكا : هقفش فى العربية من تحت
ريم : بس ده خطر
جيكا : مقدمناش حل تانى نعدى بس وربنا كريم

مشهد 92 ليل \ خارجى الكارتة
الظابط ياتى وياخذ الرخص الظابط 2 يشير له الى الشنطة
الظابط 1 : لو سمحتى ممكن تفتحى الشنطة
ريم : اوك ( تضغط ريم على زر تفتح شنطة السيارة يفتش الظبط ثم يشير لها لكى تغلق الشنطة )
الظابط : تقدرى تتفضلى حمدلله عالسلامة

مشهد 93 فجرا \ خارجى السيارة شارع مارينا
ريم تقود السيارة وعلى الكنبة الخلفية جيكا جالسا وعلى الكاسيت اغنية حضرة المهم جنات
ريم تدق على الطابلوه باصابعها تاثر بالاغنية يضحك جيكا
ريم : طب كويس انك ضحكت يا حضرة المهم
جيكا : برده ملقتيش السى كى بتاع شفيقة ( تضحك ريم )
مشهد 94 نهار \ خارجى امام الشاليه
تنزل ريم من السيارة ويتبعها جيكا وتفتح ريم البوابة ويدخلون الشاليه

مشهد 95 نهار \ داخلى ريسبشن
تجد ريم التراب فى كل ركن من اركان الشاليه وجيكا واقف بجواره
ريم : منفضتين وهنوضب الدنيا دى عندك مانع
جيكا : نهائى دنتا مشوفتيش التراب عندنا حتى واحنا بنضف كل يوم ولا حرب العراق العفش بتاعنا اصل مش كلاس اه والله انتى حلوة ولا التراب غطى عينى ( تضحك ريم )

مشهد 96 نهار \ داخلى ريسبشن الشاليه
جيكا وريم يقومون بتنضيف الشاليه من التراب ومسح البورسلين بالمياة والسافو والممسحة

مشهد 97 نهار \ داخلى تراس الشاليه
جيكا جالس فى التراس يشرب القهوة وينظر الى البحر

مشهد 98 نهار \ خارجى امام بوابة الشاليه
تقف ريم بسياراتها وتنزل وتاخد معها حقائب المشتريات وتفتح البوابة وتدخل

مشهد 99 نهار \ داخلى تراس الشاليه
تدخل ريم التراس معها الصينية عليها ساندوتشات و 2 شاى تضعها على الطرابيزة وتجلس بجوار جابر
اتاخرت عليك
جيكا : لا انا لسه صاحى ملوش لزوم التعب ده والله كتير يا استاذة
ريم : ما قولنا ايه انا اللى مديونة لك مش انت وبعدين اعتبرنى اختك زى هدى ولا عبير
جيكا : هدى وعبير وحشونى قوى
ريم : هتكلمهم انهارده من اى كبينة علشان تطمن عليهم
جيكا : انتى بمية راجل واجدع بت قابلتها فى حياتى
ريم : وانت اجدع وارجل قابلته فى حياتى

مشهد 100 نهار \ خارجى امام قهوة الحسين
زين يسير امام قهوة فى الحسين يجد اتنين فى ايديهم جرنان فيه خبر مكافاة متين الف جنيه لمن يرشد عن جيكا
رجل 1 : يريتنى اعرف فين ابن الكلب ده كنت بلغت عن امه
رجل 2 : يريت انا اللى كنت اعرف مكان امه فين قتال القتلة ابن الكلب ( يمسك زين فيهم )
زين : بتتكلم عن مين ياض انت و هو
رجل 1 : الواد ده اللى اسمه جيكا
زين : ده اجدع من عيلتك كلها واجدع من شعب امك
رجل 2 : انت بتدافع عنه ليه يا عم ده قتال قتلة ( ياخذ زين الجرنان ويقرء الخبر )

مشهد 101 نهار \ خارجى الشاطىء
ريم وجيكا جالسين على الشاطىء ولا يوجد سواهم
ريم : مالك
جيكا : مالى
ريم : علطول سرحان مهموم ربنا بيقدر البلاء على قد استيعاب البنى ادم وانت اكيد قدها وقدود
خلى عندك امل ربنا قادر يظهر برائتك
جيكا : ونعمة بالله بس انتى عارفة كل حاجة يا استاذة ريم
ريم : اسمى ريم يا عمنا
جيكا : انتى عارفة يا ريم
ريم : ايه رايك تسافر وتحقق حلمك بره انت نسيت الملاكمة ولا ايه
جيكا : ياه الملاكمة صعب
ريم : انا هساعدك وهوصل للناس اللى يقدرو يخلوك تسافر وتبعد يمكن فى البعد تعيش حياة تانية وتلاقى نفسك هناك مدام معرفتش تلاقى نفسك هنا
جيكا : اللى تشوفيه يا ريم

مشهد 102 نهار \ خارجى كبينة بجوار الشاطى مارينا
جابريتحدث فى تليفون الكابينة بجواره ريم
جيكا : الو اذيك يا هدى انا جابر عاملة وعبير وسيد الحمد لله الو ايوة ياما وحشتينى ياما ابوس ايديك ياما متعيطيش ان شاء الله فرج ربنا قريب ابويا عامل ايه ابقى سلميلى عليه وحشتونى قوى ياما والله ما بايدى مش بايدى يامو جابر سلام

مشهد 103 ليل \ داخلى ريسبشن الشاليه
جيكا وريم يشاهدون التليفزيون فيلم تويلات 1
جيكا : طول الوقت الكلام عنى متكلمنى عنك شوية كلمينى عن ريم
ريم : انا يا سيدى من مهاويس الرياضة حتى انك لاحظت ان فى الشاليه جيم كامل وخاصة الملاكمة والاسبيشل هيرو بتاعى روكى وطبعا كلاى وتيسن وعلشان كده دخلت تربية رياضية مش طب ولا هندسة
جيكا : طب لو كنتى تختارى تبقى حاجة تانية كنتى هتختارى ايه
ريم : كنت هختار اعلام ابقى مذيعة وبحب المزيكا وافلام الاكشن يعنى شخصية ملخبطة شوتين بابى بسينيس مان البيسنيس واخد كله وقته ومامى الله يرحمه اقوم اعمل عشا تحب تتعشى ايه
جيكا : لا بلاش لحسن جالى تلبك معوى فى الغدا شكلك حطيتى صابون سايل بدل الزيت باين
ريم : ( تكشر ريم )
جيكا : بهزر معاكى بس بلاش طبخ لو فيه جبن ماشى
يقطع الفيلم ياتى بيان
المذيعة : رصدت وزراة الداخلية مكأفاة قدرها مئتين الف جنيه لمن يرشد عن المتهم الهارب جابر عبد الحق جيكا المتهم بقتل السفير الامريكى
جيكا : مش هيسبونى فى حالى
ريم : اهدى يا جابر هتسافر خلال 24 ساعة هتكون بره مصر هحضر العشا وهعمل شوية اتصالات

مشهد 104 نهار \ داخلى تراس الشاليه
تدخل ريم التراس يقف جابر
جيكا : كنتى فين كل ده
ريم : هتقابل انهارده الراجل اللى هيسفرك وهتسافر خلال يوم زى ما وعدتك
جيكا : طب والراجل ده هياخد كام
ريم : مش مهم متسئلش على اى حاجة انا مسئولة عن كل حاجة

مشهد 105 ليل \ داخلى ريسبشن فيلا فى مارينا
حفلة صغيرة ريسبشن فيلا مسئول مهم
جيكا : ايه ده دى حفلة دى ولا ايه
ريم : معتقدش بس الميعاد دلوقتى والراجل هنا استنانى هنا شوية يا جابر
( يجلس جابر وتدخل ريم ياتى الخادم الجرسون يعطى لجابر كاسى )
جيكا : لا متشكر معندكش عرقسووس او خروب
( رجل على طرابيزة مجاور لجيكا يحدث زوجته المجاورة له )
رجل 1 : الكابوس انذاح يا حياتى 24 ساعة ونسافر استايتس ويبقو يورونى بقى هيطولونى ازاى الحكومة هنا مش متعاونة تماما ومبيقدروش رجال الاعمال الناجحين ادينى هسافر وهاخد ال350 مليون ومش هسدد يبقو يورونى بقى هيحبسو مين
( رجل يحدث ابنه الجالس بجانبه )
رجل 2 : متخفش يا رونى هابقى ابعتلك انت ومامى لما تستقر امورى هناك عايزك تعرف يا رونى انا والدك خدم البلد دى كتير ومتصدقش اى كلام تسمعه ابوك وزير شريف وخدم البلد
( سيدة تتحدث فى التليفون )
سيدة : انا خلاص هسافر لا مش لوحدى نص الوزرة هنا محدش ضامن ممكن يحصل ايه فى 30\6
( تخرج ريم ومعها المسئول ينهض جيكا )
جيكا : لالالالالالا انا مش هسافر
ريم : مالك طب اهدى يا جيكا ليه مش عايز تسافر
جيكا : انا مش زى دول يا ريم ومش هابقى زيهم انا مش هسيب بلدى
ريم : فكرت كويس فى الكلام ده
جيكا : ايوة انا مش هسافر

مشهد 106 نهار \ داخلى ريسبشن الشاليه
جيكا وريم يشاهدون التلفزيون برنامج اخبار السينما
المذيعة : حرص على حضور العزاء عدد كبير من المخرجين والفنانين ومن ضمنهم المخرج هشام الميسيرى وده اول ظهور ليه من ساعة الحادثة اللى اتسببت فى الشلل
ريم : جابر هشام عايش
جيكا : معقول
ريم : طبعا معقول دليل برائتك يا جابر بكره هكون فى مصر وهروحله
جيكا : وهتوصليله ازاى
هجيب عنوانه عن طريق النقابة لازم اوصله
جيكا :هسافر معاكى
مشهد 107 نهار \ داخلى شقة ريم
ريم تفتح باب الشقة من الخارج تدخل ويدخل جابر وتغلق الباب
ريم : دى بقى يا سيدى شقتنا القديمة انا بحبها اكتر من الفيلا علشان ليا فيها ذكريات جميلة
انتى هتفضل هنا هخلص المشوار اللى اتفقنا عليه وهرجعلك
جيكا : ماشى

مشهد 108 نهار\ داخلى صالة شقة هشام
ريم تدق الباب تفتح هند
هند : مين حضرتك
ريم : انا ريم عايزة استاذ هشام فى موضوع مهم ( تدخل ريم يخرج امامها هشام بالكرسى المتحرك )
هشام : عايزة ايه حضرتك
ريم : انت مش فاكرنى انا كنت هنا مع جابر يوم الحادثة
هشام : حادثة ايه انا مشوفتكيش قبل كده
ريم : انت فى ايدك تنجى برىء
هشام : انا معرفش حاجة
ريم : ارجوك ساعدينى واقف معاه شهادتك هتساعده وهتنقذه
هشام : انا اسف مقدرش اعملك حاجة
ريم : ساعده الله يخليك علشان ربنا يشفيك هو برىء ومقتلش
هشام : اسف مش هقدر اعملك حاجة شرفتينا سلام
ريم : كنت فاكرة انا اللى انت فيه هيصحى ضميرك لكن ربنا مبيديش بلاء غير لاللى يستاهله انت اللى عندك شلل قلب ولسان مش حاجة تانى

مشهد 109 نهار \ داخلى شقة ريم
تفتح ريم الباب بالمفتاح تدخل يقوم جابر من على الكرسى متجها نحو ريم
جيكا : عملتى ايه
ريم : للاسف مش هيساعدنا انت ناوى على ايه
جيكا : مش عارف انا عايز اسلم نفسى انا خايف على اهلى ممكن يعملو فيهم حاجة مش هسامح نفسى لو جرلهم حاجة
ريم : طب لو نويت فى حاجة لازم نعملها الاول هى مش هتفيدنا قوى بس مهمة

مشهد 110 نهار \ داخلى صالة شقة جيكا
يدق الباب تفتح عبير يدخل يوسف و قوة من العساكر من جهاز الامن الوطنى
يوسف : هات يا ابنى كل اللى عندك
فاطمة : فيه ايه يا ابنى احنا عملنا ايه
يوسف : هتهملى كلهم يا ابنى وبالذات الولية دى ( يدخل العساكر الغرف وياخذون هدى وعبير وسيد ويتركون كامل على الفراش )
كامل : جابر جابر

مشهد 111 نهار \ داخلى غرفة التعذيب الامن الوطنى
هدى وعبير وسارة وفاطمة وسيد مقيدون و يظهر عله وجههم اثار الضرب والتعذيب ودماؤمهم تسيل
يوسف : نورتو الامن الوطنى يا حبايب الغالى جيكا ده حبيبى اول متهم يهرب منى ومينطقش تلت كلمات انا بحبهم قوى انا تحت امرك ( يمسك يوسف راس هدى وعبير ويخبطهم فى الحائط فيصرخون) انتو لسه شوفتو حاجة ده لسه الكهربا والمياه و حاجات تانية كتير مش هتشوفو الشمس الا لما جيكا يشرف هنا حتى لو رئيس الجمهورية طلب اسيبكو مش هسيبكو الا لما جيكا يبقى هنا تحت رجلى

مشهد 112 نهار \ داخلى صالة شقة ريم
يدق الباب تفتح ريم تجد امامها هشام المخرج على الكرسى المتحرك وبجواره هند
ريم : استاذ هشام

مشهد 112 نهار \ داخلى صالة شقة حسام
يدق الباب يفتح حسام يدخل جيكا شاهر مسدس فى وجه حسام
حسام : اذيك يا جيكا اذيك يا صاحبى
جيكا : ده على اساس ان اللى عملته معايا ثرى دى ده انت مررت حياتى وانا كنت بعتبرك اخويا
حسام : حكم القوى يا صاحبى كان لازم اعمل كده واحد من التقال كان عايز كده فلازم اللى زينا يرضى يا صاحبى
جيكا : مين اللى وزك يا حسام
حسام : واحد اسمه شريف خطيب ريم البت اللى جت معاك ولاد الحلال دللوه عليا قالوله مش هيخدمك غير الظابط حسام كان جايلى وميعرفش انى صاحبك قالى انه مستعد يدفعلى مبلغ محترم يئمن مستقبلى قصاد انى البسك قضية واخلصه منك علشان يروقله الجو مع ريم وينتقم منك علشان اللى عملته معاه وانا علشان عارفك ودرسك وياما دخلت بيتك وعارف اهله عرفت نقطة عبير وانها نفسها تبقى ممثلة ولعبت على النقطة دى شريف اتفق مع هشام المخرج انه يوقع عبير ويجيبها الشقة وهشام مكنش يعرف ان الموضوع هيوصل لكده بس احنا كنا عارفين انك هتتهور وهتقتله بس اهو قام منها زى القرد يدوب اتشل بس والله يا صاحبى قتل السفير كان صدفة فاقت كل ترتيبنا وانا قولت اضرب عصفورين بحجر اخليك انت اللى قتلت السفير وهكسب ترقية و اضاعف المبلغ اللى خدته من شريف بيه
جيكا : ( يبصق فى الارض ) اوسخ منك ما شوفتش
حسام : بلاش المثالية دى شوف الدنيا عاملة ازاى والناس عايشة ازاى انا عايز ابقى زيهم حتى لو هدوس على اى حاجة واى حد حتى لو ابويا
جيكا : انت خسارة فيك الرصاصة اللى هموتك بيه الله يرحمك يا حسام انت عايش ميت

مشهد 113 نهار\ داخلى مبنى الاذاعة والتليفزيون القناة الاولى غرفة البث المباشر
عامل 1 يعطى شريط لعامل 2
عامل 1 : وقف اى حاجة وشغل الشريط ده
( يضع العامل الشريط يظهر جيكا يلقى بيان )
جيكا : انا جابر كامل عبد الحق جيكا المتهم بقتل السفير الامريكى اقسم بالله العظيم انى برىء ومقتلتش حد بس هسلم نفسى علشان الدنيا كلها ترتاح ومش خايف وراضى انا بس عايز اقول حاجة انا لو كنت عايز اقتل مكنتش هقتل انسان كان نفسى اقتل الفقر الجهل الظلم البطالة اى عيب ممكن يكون فينا او فى بلدنا احنا طيبين وطيبتنا طمعت فينا الطماعين الزمن مبقاش الزمن والناس مبقوش الناس بس البلد ولادها رجالة وربنا يحميها بولادها انا بقول لامى انا هسلم ومتزعليش انا بحبك قوى وابنك راجل ومقتلش غدر ( ياتى فى بيان اخر على نفس الشريط هشام المخرج )
هشام : انا هشام مخرج انا بعترف انا جيكا برىء من قتل السفير الامريكى والسلاح اللى تم ظبطه مرخص باسمى والرصاصة اللى تم اطلاقها كانت فى شقتى وجيكا كان عندى فى شقتى وقت الجريمة والجريمة تم تلفيقها كاملة عن طريق ظابط فى قسم السيدة اسمه حسام انا بعترف قدام مصر كلها وهتعرف قدام البوليس والنيابة شوتس متنوعة فى القهوة للناس تشاهد البيان فى ميدان التحرير

مشهد 114 نهار \ داخلى مكتب النقيب يوسف عز الدين الامن الوطنى
جيكا امام يوسف
يوسف : حمد لله عالسلامة نورت الامن الوطنى والداخلية بحالها والله ليك وحشة
جيكا : انا جيت اسلم نفسى وانا تحت امرك يا باشا وتحت ايدك
يوسف : الله عليك يا جيكا لما بتفهمنى انا مبسوط و انت كمان لازم تتبسط وتاخد واجب ضيافة ( يضغط يوسف على زر على المكتب يدخل الشاويش
يوسف : هات يابنى الناس من عندك ( يخرج الشاويش ودخل بعد ثوان ومعه هدى وعبير وفاطمة وسارة وعلى وجههم اثر الضرب والتعذيب يراهم جيكا فيزهل مما يراه وياخذ المسدس من جراب الشاويش )
يوسف : اضرب انا هكون سعيد قوى لو مت على ايدك اتمنى انك تكون اتبسطت من واجب الضيافة ايه رأيك فى بطة وهى مسلوقة بس متخفش مزغطنهاش اكتر من واجب الضيافة معملناش اضرب يا جابر اضرب ( يقترب يوسف من جابر وياخذ منه المسدس ويضربه طلقة
هدى وعبير وفاطمة وسارة : جيكا
مشهد 115 نهار \ خارجى طرقة المستشفى
جيكا فى غرفته بالمستشفى وحوله هدى وعبير وفاطمة وسارة وريم ويجلس بجواره الرائد عصام
الرائد عصام : حمد لله عالسلامة ومبروك البراءة يا جابر
جيكا : مش عارف اشكرك ازاى يا باشا لولا وفقتك معايا يمكن مكنتش عرفت اشوف نور الشمس تانى ولا تظهر برائتى
عصام : انت ابن حلال وتستاهل كل خير وريم ساعدتك كتير والفيديو واعتراف هشام وضح معالم القضية
ريم : انا معملتش حاجة كل اللى انا عايزاه انك تقوم بالسلامة وابدء فى الرسالة المركونة دى
جيكا : ان شاء الله وانت عملت ايه يا باشا فى التحقيق معاك
عصام : اهو موقوف لو كده هجيب توك توك وخلاص ( يضحك الجميع ) يلا شد حيلك علشان تشارك فى مظاهرات 30\6 مصر كلها هتنزل

مشهد 116 نهار \ خارجى
مشهد حى لميادين مصر فى 30\6

مشهد 117 نهار \ داخلى حلبة الملاكمة
جيكا فى حلبة الملاكمة مع المدرب وريم تصور بكاميرا الفيديو لكمة قوية من جيكا نزول التترات

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى