ط
مسابقات همسهمسابقة الشعر

همسة عشق..المسابقة العامية للشاعر / محمود ربيع من مصر

قصيدة (همسة عشق)
خاص بالمسابقه (عاميه)

************
وقالولي العشق ملهش كتاب
ولا له مدرسه ولا له كتاب
ولا لهشي حبيب
ولا لهشي طبيب
ولا لهشي قريب
ولا له اصحاب
ده العشق اساس
اغلي من الماس
واللي ما يعشقش ياناس كداب
**********
العشق جراح
وياها دموع
ولقا وافراح من بعد رجوع
وبنشكي من العشق ودوبنا
وبنرجع نفتحله قلوبنا
من غير ما يخبط ع الابواب
ده العشق اساس
اغلي من الماس
واللي ما يعشقش ياناس كداب
**********
ونا قلبي أسير
والعشق أمير
وعليا من الأحباب بيغير
وبيقفل قلبي بميت مفتاح
وبيطلب مني اعيش مرتاح
وازاي هرتاح والعشق عذاب
ده العشق اساس
اغلي من الماس
واللي ما يعشقش ياناس
كدااااااااااااااااااااااب
**********
محمود ربيع
عاشق تراب مصر

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى