المشاركة ~ شعر العامية
الاسم / رمضان سالم
( رمضان العلالقة )
البلد : مصر ~ الفيوم
تليفون : 01142983459
********************
واقفة للأحلام حداد
~~~~~~~~
مش كفاية برضه عايش
قلبي طايش
يرمي حلمي بين أيديكي
همس روحي و كل عمري
لسة حاسك مش ناسيكي
أي لحظة بعد عنك
فيها لمحة من لهيبك
فيها أوجاع مالها أخر
أصل فاكر كل أيام
عشنا فيها أحلى حلم
كنا نركب ع المراكب
بين بحور الاشتياق
تسأليني لفين نسافر
ابتسم لك ….
م انتي شايفة
برسم الضحكة في شفايفك
لما أقولك فوق شوية
عند أحلام الملايكة
و في مجرة كون عزارة
نبني أحلام قصر عالي
في الليالي نجوم تنور
أمسك أيدك بين أيديا
و احضن الأيام بقوة
تسندي راسك عليا
تنام في عينيك
نظرة الشوق من عيوني
مش خسارة
لما بوهب ليك حياتي
دا اللي فارق
شاف جحيم المشتاقين
و المواجع و الحنين
م انتي عارفة
لما بشتاقلك بموت
بنطحن تحت الرحاية
تنكسر جوايا غاية ٱمنياتي
و ابقى خايف
رغم إنك حتة مني
زي دمي بتجري فيا
القضية مش بطيق الانتظار
بتخنق من طوق أسايا
شوق و لهفتنا الكبيرة
يبقى دا بالذمة عادي ؟
لما يملا الدمع عينيك
من أنين الإنكسار
دا بٱهات الود شايفك
بين عيون الليل تنادي
و في عيونك طالة حيرة
ماسكة نجمة تضمي فيها
و تسأليها ألف ليه
و الفؤاد مكتوب عليه
مش غريبة لما أحس
إنك حزينة
بنكوي من نار أليمة
و العجيبة الدنيا لسة
لابسة ليه توب السواد
واقفة للأحلام حداد
و بعناد ينتفض
من بين ضلوعي جن مارد
يسألك و الفكر شارد
طب قوليلي …..
كنت صادق ؟
لما قلت الروح و قلب
في جسم واحد
أو قدرنا نعيش يتامى
ننتظر يوم القيامة
ينصف الحلم
اللي علم فيك علامة
أو نغامر …..
نسبق الحرمان كأنه مبتداش
و الوداد ….
مش كنا فكرين إنه مات ؟
بس فينا لسة عايش منتهاش
له سمات و في صميم الذكريات
~~~~~~~~~~~~
بقلم / رمضان العلالقة
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
