وانا معاكى .مسابقة الشعر العامى بقلم / صادق زين .مصر

وانا معاكى .مسابقة الشعر العامى بقلم / صادق زين .مصر
صادق زين
اسوان
01140966142
وانا معاكي
وانا معاكي ببقي زي الطفل في حضن امه
يدلع عليها وهي بحنيه تضمه
ضميني كمان بإحساسك
يالي الورد اتخلق لأجل مايبقي مداسك
وعبيره هي انفاسك
خبيني بين الضلوع
عايز اتوه جواكي من غير رجوع
يا ساكنه جوه قليبي يا احلي من العسل والسكر
لما تناديني بحبيبي من غير خمر بسكر
وانا معاكي بدوب لو ايدي لمست الحرير اللي اسمه شعرك
وآآآه لما تميلي عليا وتهمسي بكلمه حب وانا نايم ع حجرك
وانا معاكي بنسي دنيتي وبنسي نفسي
ما انتي ضحكتي وبسمتي وصوتي العالي وهمسي
انتي النهارده وبكره وأمسي
وانا معاكي… وانا معاكي… وانا معاكي
حاجات كتير عايز اقولها
وهقولهالك بس وانا معاكي
… صادق زين…