ياريتك تيجيني ..للشاعر / يسرى الفار

ياريتك تيجيني
حبيبي تلاقيني
هنا في انتظارك
بشوق وحنين
حرام في الغرام
تشوفك عيوني
وتجري السنين
وننسي حياتنا
وليلنا الحزين
تعالي حبيبي
وحبي وحنيني
هنا
هاتلاقيه
**
تعالي نعيش
سوا في الحياة
اضمك في حضني
تدوب الثواني
وتجري الساعات
تشوفك عيوني
وتمسح جفوني
زمانا اللي فات
تضمك عينيا
نغيب في
السكات
وتمسح إيديا
بعينك
آهات
تعالي حبيبي
وحبي وحنيني
هنا
هاتلاقيه
****
يازهرة حياتي
يانور الحياة
ياعمري اللي آتي
هواك منتهاه
يابسمه في سكاتي
يابدر ف سماه
تعالي حبيبي
وحبي وحنيني
هنا
هاتلاقيه