ياضحكة القمر
ياعود فل وريحان
يا أجمل م القمر
يانور مالى المكان
ياساكنه ف السحاب
من حبك قلبى داب
واتعذب لما داب
واتحير ياقمر
بسأل امتى الوصال
ولا دا شيئ محال
نوصله ياقمر
الهجر مابنا زاد
طب ايه اخر البعاد
ياما نفسى
فى كلمه منك
ترجع اللى فات
تصحى شوق مالينا
والماضى اللى ناسينا
ومشاعر باقيه فينا
وأجمل ذكرايات
ياحبيب عمرى
اللى فات
بأشتاق لك
ب الساعات
لسه فاكر هوانا
ولا هوانا مات
ياما شوفنا
عذاب وحيره
وسنين كانت مريره
وحياه بتمحى فينا
اغلى وأعز مالينا
وايام ب تمر بينا
ولسه شوقنا فينا
لا الماضى هان علينا
ولا اجمل ذكرايات
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
