صوت الموت ..
جربتوا تنادوا بصوت الموت كل الأموات
و تدقوا طبول باصوات و سكات تعلا الصيحات
بعترتوا الموت و زرعتوا رصاص
و اشربتوا الكاس
سكران الكاس و لا عمره يفوق دا شيطان وسواس
دايما بهتافه القاه مخنوق متدارى فى باب
دا الحلم معاه بيكون مخنوق و كأنه ضباب
دايما ألوانه سواد فى سواد
و كأن الناس ماتت جواه
و الغدر زمان كان يترجاه ما بيوم ينساه
ملعون الكاس
و شيطان خناس بيصيب الناس
يخنق أنفاس للشر أسير واقف محتاس
بيزين ظلمه يقول دا الخير و أنا طير و هاطير
لو تضمن لما تكون مأجور تقتل و تطير
و ف نفسك مش هاتعيش مأسور إقتل يا أجير
مين قالك سيفك سيف الله
و إنك لو تقتل تلقى نجاه
إسأل لو تقدر صوت جواك يمكن ينهاك
قاوم لو فاضل خير جواك حاول و ناداك
شايف فى إيدك الدم دا إيه ؟
شايف حواليك الظلم دا ليه ؟
هاتقولى بعدنا و مابعدناش !!
طيب قربت بقتل الغير ؟
طيب و حرقت و كان الخير !!
يا اللى انت بقيت بين الاموات على ضهر حياه
ياللى انت زرعت الموت و تقولى نجاه
علشان تدخلها الجنه لازملك إيه ؟
يمكن قربان !!
أو دم كتير يعمل خلجان
أو ظلم لناس و دموع أحزان
علشان تدخلها الجنه لازملك إيه ؟
أصوات لرصاص ترهيب و وعيد
فين التجديد
يمكن بكورونا الخوف يزيد
نلقاها الناس بتموت دا أكيد
إضحك يا جبان
سجل لقاءات ع الفضائيات
أَجِّل فى عقار دى الناس أموات
نسيوا إن الموت فى الأصل حياه
و الأصل لكل حياه إحسان
الأصل لكل حياه إحسان
