فى ليلة عامرة بالشعر والأدب تم زفاف المهندس والشاعر ابو طالب محمود على المهندسة رشا ربيع وذلك بقاعة فرحتى بالمنيل وقد كانت الليلة عامرة بحضور كل الشعراء ولم يفوت العريس الفرصة ليلقى شعرا يعبر فيه عن سعادته بهذا اليوم وفيه قال
الليلة دي فرحة طله
طارحه ف قلوب اللي جانا
واللي جانا أغلي ناسنا
واللي جانا زاد هوانا
الليلة دي يوم ميلادي
يوم زفافي يوم سعيد
والتهاني بالمحبه
الليله دي أحلي عيد
الليله دي ياعروسه
عهد بالحب ابتديته
يوم ماقولت انا بكره جايلك
والنهارده أنا وفيته
فاكره يوم ماطلبت ايديك
قولتي رجالتي وناسي
واحترامك فوق جبينك
واحترامك تاج لراسي
والليله دي كل كلمه
قولتها وفت عهودي
واللي جانا بالمحبه
فوق دماغي طول وجودي
أصلنا بالحب دايما
والمحبه والاحترام
نجمع الشمس في ايدينا
ويطرح القلب السلام
الليله دي ميت تحيه
وأحلي ضحكه من قلوبنا
والحياه الليله تبدأ
وأبتدي : والله توبنا
بارك المولي خطانا
أوعلينا ولا لينا
ويجمع المولي مابينا
ويكتب التقوي علينا
والليله دي فرحه طله
طارحه ف قلوب اللي جانا
واللي جانا أغلي ناسنا
واللي جانا زاد هوانا
العريــــــــــــــــــــــس
ومجلة همسة ورئيس تحريرها فتحى الحصرى يتقدمون بخالص التهنئة للعروسين وبالرفاء والبنين
