ومركبى ماشيه ..مسابقة شعر العامية بقلم / خالد صبحى من مصر

ومركبى ماشيه
ولا بسال المركبى
السكه فين ريحه
وادينى ماشى
والصبر منى مكفاشى
والسكه طويله ماشى
لكن يا عنيكى شطانى
اتوه واغرق ف احزانى
لكنى بعودلك باحضانى
مانتى الامان ليه
لشط الشوق معديه
بناجى الشوق بوجدانى
وبسال ليه معندانى
وانتى الامان ليه
ياسكه وخدانى
من شط لتانى
عشمان ف حنيه
الهم منى يروح
سكنه معاكى الروح
وانتى اللى سندانى
بحلم انا لسا
بمركبى ارسا
وعنيكى عنوانى
يا سكه وخدانى