افرحى واتهنى . مسابقة الشعر العامى بقلم / مسعود غريب ( ابوهمسة ) مصر ت/ 01206792600 . افرحى واتهنى باللى اخترتيه لاهو أحسن منى ولا بتـحـبيه خـطـبـك ووافقتى . مـبـروك ياحبيبتى . ارسمى افــراحـك والـدمع داريه ؛ يالا انهى عـلاقتى وودعـينى وانكـرى معـرفتى لو شفتينى إن صــادفت مــرة قـابـلتينى اعملى لمشاعره ألف حساب . ابعدى عينك ماتجيش فـعينى لــ تسيـل دمـوعـك وتـبكـينى ويـحـس بأشــواقـك وحنينى وبندمـك وبـهـمـس الــعـتاب . حتى ولو حـبك عـام والتانى صعـب انـه يســاعـدك على نسيانى ؛ صعب ينسيكى ليالى زمانى ويـحـل مـحـلى فى الـغـياب . صعب ينسيكى الحب الأول اللى لا يتبـدل ولا يـتـحـول وهـيرحل عنك مهما يطول ويسيبك فى عــز الــشبـاب . جوارحـك تصـرخ تتمـنـانى وتشكى لروحك من حرمانى وتبان فى مـلامحـك الأمانى بعـد زوال الــفـرح الـكـداب . افـرحى واتـهنى باخـتيـارك الهنا والـفـرح فى انتظـارك وخلى الـدموع تـطفى نارك يا أميرة فى جُـزر الـعـذاب
