للاشتراك بمسابقة همسة الدولية
الفئة / شعر العامية
الاسم / محمود القصبي
رقم الهاتف/٠١١٤٠٣٩٧٢٠٣
رحيل
هو انتي مالكة القلب عشق
ولا انتي ناوية علي الرحيل
احساسي لية دايما يقول
اني البديل
واني يوم مانويتها اعشق
كنت بعشق مستحيل
واني هندم لوحييتك
النهاردة
يبقي انا اللي ب ايدي برضي
قلبي بكرة يموت قتيل
الحب روح من غير لسان
وشعور أمان نبض المكان
الحب رمانة الميزان
الحب صحرا بدون دليل
فين الدليل والفرع ليه
حالف يميل
ياللي حملتك جوه نن القلب لحظة
ومع الملاحظةبودعك
حملك تقيل
لو ف يوم الحب خانك
اوعي ظلم تجيبي سيرتي
قولي كان بيعدي طيفي من عينيه
بيقول أميرتي
وأمانة تحكي إني حبيت بالأمانة
وان حبك كان مزيف
واني ليكي سد خانة
وان عشقي عشق فاق حد البنوه
وان انتي ف حضن قلبي بتسرحي
وكأني هو
احساس كأنك ضاربة قلبي
ب 1000دانة
ياهجين مشاعر
قلب صافي وقلب زيف
طلعت خيانة
قلبك في قلبي بيترعش
وعينكي قاعدة تبصلي
نظرات جبانة
يا صاحبة الأسباب
كل البكى كداب
بس العيون سادقة
كل الكلام من عسل
بس الحروف
حادقة
كل الدلايل غلط
كل الطموح مقتول
سايق عليكي السكات
ماتخلي دمعي يقول
كل الجميل قد مات
كل الجروح بادئة
بعد السلام بالعين
فارقيني بالمعروف
لو جبتي وزنك أسف
وقسمتي ياما ألوف
يا ضريرة قلب ونظر
بس العيون بتشوف
قال بعتي مهر أصيل
وتركتي قلبه ذليل
لو حبتيني كلام
أنا هخسرك بحروف
