( ضلمة وجع )ـــــــ للشاعر_أحمد_الخليفة‬

مين اللي خبط ع البيبان …
ألفين وجع ؟
وجرح شوك؟
يادي التعب …….
من كم سنة ف نفس الميعاد
تيجي لهواك ..
عارف حكايتك يا زمن
لاضم كروبي في خيط تعب ..
فكفك خيوطك .. حلني
لاحلف بحلمي اللي اندبح ..
لاكسر مرايتك …
واسلخ الخوف الجبان
مين عرفك دربي الجديد ؟
… وانا اللي غيرت المكان
لملم حدادي ضلمتك ..
واسحب غرابك من هنا
دنا اللي كنت المسألة ومليون جواب
وأنا اللي علمت النهار لحن الشموس
وانا اللي علمت النجوم عشق القمر
وبكره هرسم ع البيبان وش القمر
ارحل ودلدل ديل خيانتك
دنا اللي عمري ما كنت ملكك
ايه اللي جابك عندنا
يا دي التعب