قصيدة : تقبلينى . مسابقة القصيدة العامية بقلم / علي بدوي علي

الاسم على بدوى على
رقم الهاتف+الواتس 01127467070
الدولة مصر

اسم القصيدة
( تقبلينى )

جاي وطالب ايد سموك
قبل اي كلام موافق على مهرك اين كان
حب كل الأزمان يكون ليكى
من اول حب آدم لحوا لحدك
حب ما يخضع إلا لمعاليكى
توافقي تغفير عن ذنبك
لأنك السبب فكونى أدمنتك
ودعى ربى بعد كل اذان يحنن قلبك
تلبى الطلب وما تكسفينى تقبلينى

وجبلك ورد
وابقى بالنسبالك مئوة
اوهبلك كنوز الأرض
واكون ضلة لصيفك
والركن الدافى وقت البرد
اشوفك اجمل من مرلين مونرو
يصبح حبك بالنسبة ليا حب فرض

تقبلينى يصير العالم أهدا
تنتهى بموافقتك الحروب
ألقى حد للمعافرة
يحتويكى حضنى في الغروب
اكونلك اب وقت الحرب
وتكون ساتر ليكى عينى
واحفظ مقامك
واحمى كيانك
وهبقى ساعتها الملك وهتبقى التاج
عن دون ألفات خطابك
انا الوحيد المحتاج
انك تقبليني

من أجل وقت محنة
سوا منها نعدى
ألجئ لحطنك في الحزن
تطبطبى على خدى
اسبلك مساحة من وقتى
فيها اسمعك وتطمنينى

تقبلينى واوهبلك اللى باقى من عمرى
اغنيلك انت عمرى
تعاتبينى بالصبر حدود
ونعود نبتسم ويحل صمتنا
وتقوم لنا عيونا بعملية الردود

تقبلينى يجوز ترجع للمجنون ليلى
تتغير نهاية رميو وجوليت
متعاتبش علشان سبت
يفوت عمرى لحد ماتقابلينى
ربك عليم بيا ف بعدك ليا هدية
من أجل أنك تعوضينى فقبلينى

مع علمى انى مش واد امور
ولا صاحب سلطة وجاه ومشهور
ولا برئ من اتهامى فى بعض العيوب
لكنى وقت الشدة واد جدع يتسند علية صدقيني

تقبلينى
في غيابك او في حضورك احنلك
امل العالم ولا لحظه املك
ولما تمرى على بالى
في هدوء الليل
اشغلك فيروز
اسمعك غنا ومواويل
اكتبك شعر جميل
في تواوينى تقبلينى؟