الشعر والأدب

قصيدة .( وبنزوق ملامحنا ) للشاعر / أحمد هلال

وفجأة لقيت خيوط الشمس

م الصبحية مخنوقة

تشوف الجرح تنده له

تقوله قلوبنا محروقة

ماعدش الليل بيتعاجب

سواده غطي ع السِنه

بياض اللولي مش واجب

ما كنا كتير نغني له

نقول موال وطقطوقه

نجيب الفرح / نهدي له

تدور الدنيا تتغير

وتتبدل ملامحنا

فنحلم اننا عايشين

نوزع م الامان فدادين

وانا لسه بعيش احلامي وردية

وبقرأ سيرة العاشقين وفين هي

بنتعايق وبنزوق ملامحنا

ونرسم ع الوشوش ضحكه ملاغيه

واعيش الدور ماهوش دوري

وبلبس بدلتي السمرا

وكرافته

وهات برفان

من العطر اللي خبيته

وخليته بيشبهني

والبس وش مش وشي

ولا يشبهني بالمره

غريبه الدنيا ليه مُره

بتضرب معدتي الفاضية

ومش راضية

تخليني اعيش فيها كما انسان

ومهما إن كان راح اتحمل

جحود النسل من ضهري

ولو باعوا وشاركوا التوهه والنسيان

وصاحبي اللي ماليش غيره

ف لحظة اهو بان

وباع العشره بالمجان

رخصت ياصاحبي ماتلومنيش

ومين فينا اللي يستاهل

نقول دا والله غيره مافيش

وصبح الله بيفتح / على عيني

وهي بتغسل الأرضية بدموعها

فراق الصحبة مش ساهل

ولا هين

بنتساهل مع اللي يغيب

نقول دي ظروف

لكن ف الموت بنتقابل

حيطان البيت

كأنه سجن للأرواح

وانا السجان

وبرسم ضحكه لمرايتي

عشان تعرفني ماتضلش

دنا اللي تعبت من حظي

وكان لازم وراه أجري

لكني خفت لتكعبل / واروح وماجيش

على شريط الحياة مسافات

وأيدي فقيرة مابتدي

ولا باخد كمان أجري

وليه قطري

اللي فايت ع المحطة هناك

وبيهدي ف خطاوته ؟؟

وليه العمر فات بدري

دنا لسه ف قلبي حنان

وكان قكري

أعيش العمر بالمعروف

لكن هيهات

ماعدى العمر كله بخوف

وانا وانت

وف الأخر هتحكم فينا اي ظروف

بقلمي ( أحمد هلال )

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق