ط
الشعر والأدب

قصيدة . دموع القلب . بقلم / سالى ميخائيل

دموع القلب

بقلم سالى ميخائيل

عاوز احكي ايه جرالي

بس مش لاقي كلام

كل ما لقى معنى كلمة

يتوه من كتر الآلام

وافضل احكي جوة قلبي

كله حاضر م الذكريات

كل حزني كل وجعي

كل جرح من إلى فات

الدموع و عاوزة تجري

بس مش لاقية الطريق

واقفة ساكت جوة مني

مع انها قايدة حريق

الف قصة عايشة لسه

مانتهتش بكلمتين

في جراح تدوب بكلمةواحدة

وجراح تعيش مرتين

قلبي بيصرخ من ضلوعي

سامع بكاه من الوجع

بيقولي مرة كوني طوعي

وكفاية تمثيل الجدع

الحروف على الشفايف

مش عارف انطق الكلام

نفسي احكي بس خايف

اغرق اكتر في الملام

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى