خاص بالمسابقة
شعر عامي
محمد عبدالعزيز دراز
مصر
قصيدة ( أم داعشية )
اول مرة عيني تشوف
وقلبي يعرف معنى للخوف
شايف ام بترمي ضناها
في الشارع والناس شايفاها
وبتدعي عليه بعلو الصوت
روح ياكلب إلهي تموت
وكات الأم صعبانه عليا
والدمعه سكنت جوه عينيه
فاكر ضناها شاب كبير
وعيل عاق معندوش تدببر
بس اللي فجر دمع العين
الواد عنده خمس سنين
ترميه يا ناس على طول إيدها
وكأنه مجرم ومهوش وليدها
ينام في كشك خشب مكسور
ويقول الكشك ارحم م الدور
الكل رماني في الشارع
وكأني من الحرام راضع
يا أمي قسوة قلبك ليه
أبويا ظلمك وذنبي إيه
واتجوزتي يا ماما بعديه
وجوزك اهم م اللي ولدتيه
يا أمي أنا طفل مش فاهم حاجة
ولا عارف رب ولا عبادة
وترميني قبل ما تحفظيني الشهادة
لما اكبر اقول لأولادي إيه
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
