Warning: Trying to access array offset on value of type bool in /home/hamsamag/public_html/wp-content/plugins/facebook-button-plugin/facebook-button-plugin.php on line 864
ط
الشعر والأدب

أنا وليلى..قصيدة للشاعر / أيمن صبري زنون

ايمن صبرى

جوايا شيء محيرنى بيقول ليه أنا باكي

وليه إ يدي على خدى وليه بالدمع أنا شاكي

جوايا حيرة مقلوبة وصوت مبحوح على (ليلى)

هناك ع الجذع مصلوبة

جوايا شيء بيسألنى .. جوايا شيء بيحلملى

جوايا خيط شعاع عاجز .. وصوت جوايا بيقتلني

جوايا غنوة مجروحة .. ونسمة طيف تعاتبنى

جوايا شيء بيسألنى بيقول ليه أنا شاكي

وليه البحر بيغنى ومن دمعى أنا باكي

وليه يا (ليلى ) كتير تبكي وكتمه الفرح جواكي

جوايا شيء محيرني يحرك كل شيء ثابت

يصحى الفكر من بدري ويرمينى ف أشواقك

أنا وليلى حكاية حب مش عادي

أنام ف عيونها وأتغطى .. وبمي نيلها أتوضا

وكحل طينها سجادي

أنا وليلى حكاية ف غنوة أسطورة

تتوه منّي واتوه منها .. وندور ف دنيا تنورة

سنين مغصوبة على حالها ومرة عيونها معصوبة

ومرة تتوه ف أحلامها ومرة منها مسلوبة

لكن بتعود تنادينى أداوى الجرح بالتوبة

وادي الدنيا على حالها خُطى وعلينا مكتوبة

أنا وليلى حكاية حب محمومة

لا بتفرقنا أحزانا ولا بتكسرنا ميت توهة
……………………………………………………….

الشاعر / أيمن صبري زنون . صنصفط . منوف .. مصر .

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى