“الفرق بينى وبينك” للشاعر حلمي القاسم
*********
الفرق بينــــى وبينك
فرق السما من الارض
انا اللى بعشق وطن
اما انت وطنك فــــــرد
انا جندى بايدى سلاح
سهران فـــــ عز البرد
اما انت غــــاوى نباح
خُنت التراب والعِـــرض
انا ليا فيهـــــــا كتير
بطــــــولاتى ما تتعد
اما انت فـــى التدمير
شــــــاطر وزى القرد
نفسك تكــــــون زيي؟
تكسب رضاها بجد
امشــــــى ورا ضيي
وازرع فـــى قلبك ود
ومهمـــا كنت جحود
وشــــــوفنا منك صد
هتلاقــــى لما تعود
حُـــــب وجناين ورد
هـــى كدا ف طبعها
بتسامح ايهــــا حد
حتى اللى كان ضدها
وقطع فى توبها وشد
الفرق بينـــى وبينك
ان انت عقلك هـــــج
حرفت فى امور دينك
ومشيت طريق البعد
*********
تقديم /مختارالراوي
