مسحراتى
مغنواتى
والغنوة منى ف البلد موال
لا يوم بطاطى
ولا أحط واطى
لواطى فاكر…….. كل شيئ بالمال
من صغر سنه
فاكر بإنه
عنتر زمانه والحال على ده الحال
طول عمرى صابر
مع عمى صابر
وبطبلى ماشى ….ف البلد رحال
والود ودى
الليل يعدى
والفجر يطرح…….. للبلدى رجال
يشيلوا منها
كل اللى خانها
ويبدروها……….. بسواعد العمال
والصبح بدرى
احمد وبدرى
يجنوا ثمارها لمحمدين وأمال
والبت صابحة
تداوى رابحة
وتشوف عريسها واحد من الأبطال
م انا أصلى غاوى
مع عمى راوى
نحكى الحكاوى ع المروة والحوال
علشان عيالنا
فى صحن دارنا
تصون نهارنا وبلدنا تصبح عال
رمضاااان كريم
