ط
مسابقات همسهمسابقة الشعر

سكة سفر للأمنيات..مسابقة شر العامية للشاعر / على المرسى من مصر

سكة سفر للأمنيات

ومسكت ف جبين الحياه
طالب حياه
على أد قول المنشدين
وقت الأدان
واحد جبان صدّق ف يوم
ضحكة ف عيون الولاد النعسانين
وإختار يضّحك
ضحكة الخلق ف عينيه
مات منتحر
ف وشوش جبانه
مطلسمه الليل ف الحيطان
قلت الحيارى
غصب عنهم محتارين
ودا فرض عين
ملعون تراب الذكريات
هد البدن
وإختار يفرّق
كام حكايه على الورق
من غير سطور
ضاعت معانى الأنتصار
وإدحرجت قدام عيون الخلق
صورة من اللى فات
إزاى حياتنا تفوت ساعات
كما ريح ف ليل شاتى وحزين
ونقوم نخرّج نفسنا
من بعد حالة من البيات
للضى فجأة
بدون حصانه وتجهيزات
والليل يدّور جوا منا عن بدايه
تُكر ف خيطان الحياه
علشان نعيش
ونموت
ونصحى
ونبتدى سكة سفر للأمنيات
يا حظ يا مربوط هناك
إثبت مكانك
قلبى حافظ للمعاد
ومقدّر السكه وعارفها
بدون شبه
مكتوب علينا الخطوة
إمتى ؟؟
وفين تكون ؟؟
لو حتى تاه العقل
أو تاه الجسد
وقت اللُقا
محفور ف لا وعى البشر
هيكون

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى