***** يا مج روحى اللى مليان حب وناس كافيه حليتى عمرى ودنيتى وملكتى قلبى باللى فيه من يوم ما شوفتك وأنا حسيت بطعم الحياه شباك أحلامى اللى إنفتح بقلبك بلاش تقفليه ..... إرمى شباكك فى بحرى طلعى اللؤلؤ اللى فيه صوبى سهامك لقلبى لو يوم أذاكى إجرحيه إدفنى كل المشاعر مابينا واركبى سفينة نجاه وإن كان كلامى صدق فعلآ جوه نن العين شيليه ..... بلى ريقى بكلمه حلوه ابنى منها قصور آمال هوه يعنى عشان بشوفك زايده حبه فى الجمال صوره طبق الأصل تشبه حب عمرى فى المنام يا حبيبتى انا قلبى شارى وانتى ليه سايقه الدلال ...... الحب عندى شئ حقيقى فاق حدود كل الخيال أرض بكر فى مرمى هدفك مدى إيدك وازرعيها بالحلال جرى فيها نهر صبرك شربيها واعزقيها من الضلال واحصديها جبال محبه وخير يدوم لك فى العيال ..... الشاعر/ وليد المصرى
