قصيدة / أخر رسالة
بقلم / إبراهيم سليمان
المجال / شعر العامية
واتساب / 01004406206
_____________________
ساب رسالّتهُ
شاف شريط العمر فات قدام مرايته
كان مُغيب من مشاكله
فى الشريط قدامه شاف صاحبه و ضحكلوا
و قاله آسف
مش هكمل للرهان اللى راهنته
انت أكتر حد صاحبى
وبرضه أكتر حد على الاسرار أمنته
كان مصمم
و اختيار الموتة أصعب من رجوعه
بس هو اختار تسمم
قهوته اللى كتير شربها فى المشاكل
و الصداع النصفى و الخوف م الحياة
حط فيها السم و مقرر خلاص
إن ده أخر ألم هيحسه فيها
من وراه لقى أمه واقفة
و الدموع من عينها نازلة
بص فى عنيها فى مرايته
شاف فراقها ده حاجه رزله
اترمى فى حضن أمه عيط
جات و زقت عمره زقة
فى الجِرَاح ممكن نخيط
بس موتنا بإيدنا لأ
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
