قصيدة ( ست مصرية ) للشاعر اللواء / محمد هيكل

لو تسألني مين هيه

هقولك .. ست مصريه

دي ست بة500 راجل

و لكن …… بحر حنيه

.

تزين أجمل الحواديت .. و تحكي الدنيا دي عنها

ما يخلاش منها أبدا بيت … أصيله و ربنا يعينها

.

يا زارعه الطيبه ف سنيني .. و واخده الصبر مجدافك

يا سنداني فيوم وجعي …….. و شيلاني على كتافك

.

يا ضحكة ف وسط أحزاني … و قوه تهد ف همومي

يا أمي و بنتي و أماني … و ستراني كما هدومي

.

يا حاضنة بحب و بطيبه … و جوه الحزن بروازي

يا أجمل أخت وحبيبه . … ف وقت الشده عكازي

.

أنا اللي بيكي مطمن … و برمي حمولي على ذاتك

و بدعي وقلبي بيأمن … تشوفي الستر ف حياتك

.

و بيكي قلبي دا أغنى ……. يا زاينه كل شيئ فيا

عن الدنيا دي بستغنى … . مهو انتي كل شيئ ليا

.

و لو تسألني مين هيه

هقولك .. ست مصريه

دي ست بة500 راجل

و لكن …… بحر حنيه