------ ( هموم شاعر ) ------ لما عيونا تبات سهرانه و لما قلوبنا تبات تعبانه و لما الشمس تروح ما تجيش ايه لازمتها يا دنيا نعيش و إحنا قلوبنا فيكي حزينه ؟ ... حزني يا دنيا مش علشانك ولا علشان قسوة أيامك حزني و دمعي من ناس كانوا كل حياتي .. ولا يوم هانوا ف لحظه لقيتهم باعوا و خانوا ! و قطعوا حبال الود ما بينا جرحوا قلوبنا و قتلوا أحلامنا حتي الشمعه ف عيني طفوها ! ايه لازمتها يا دنيا حياتنا من غير ضحكه بتملا بيوتنا من غير حلم بيجمع بينا !؟ حلم عشانه نبات و قلوبنا تحلم بيه بعيون فرحانه
