واحشني،،يا محمد ..
قصيدة محمد حسن عبد العليم
حبيبي محمد واحشني بصحيح
يا صاحب حياتي وقلبك مريح
يانور جوا قلبي لا يمكن يموت
يا ذكرى في روحي يا ابو لسان صريح
في ليلة غريبة اعلنت الوداع
وسيبت صحابك في حيرة وعذاب
وعشنا ليالي ندور عليك
اتاريك يا غالي فوق السحاب
مشيت للنهاية وعندك يقين
برحمة خالقنا لكل اللي تاب
يا صاحبي واحشني بحق وحقيق
ميعاد الفراق فوق الرقاب
محمد ياصاحبي طريقك ورود
في جنة تشوفها وترسم قلوب
لكل الحبايب اللي فارقوا الحياة
يارب انت عالم بكل القلوب
محمد حبيبي يا صاحب في دمي
فإسمك يا غالي على جبين في قلبي
يارب تكون في احسن مكان
يا صاحب وغالي في قلبي تمللي
