ابراهيم خليفة
01120552029
1990
عن الف تسعامئة وتسعين
عن جيل مكتوف الايدين
رجله تحت واحلامه فوق
وجيلي واقف بين البنين
فوق الهموم شايلين هموم
فوق الجلد مدارية الهدوم
كل طريق نمشيه لاخره
بنرجع منه مكسبنا اه ولوم
مبتالين بابتلاء الانبياء
مع اننا يعني مش هما
شباب وماشين بالادوية
وحتى الهوا انفاسه سمة
مرمين في بير يوسف
واضعف من النبي لوط
معاقبين عقاب يونس
بعد الدنيا ماصبحت حوت
عن جيلي جيل تسعين
كابتن ماجد وعالم سمسم
احنا الجيل ابو ايد مقطوعة
وعايرونا اننا مش بنرسم
انا احد المتهمين بالفشل
ف على لسان جميع امثالي
ارجوكم بكل لغات الكون
محدش يعمل فيها مثالي
انتوا حلبتوا الايام حلب
واحنا اللي شبعنا ضرب
انتوا اللي اتعلمتوا عربي
وسبتونا احنا فريسة الغرب
انا بتكلم عن جيل كامل
شاف كا ما هو يشيب
احنا الجيل اللي اهملتوه
ورجعتوا تقولوا جيل متسيب
بدون اسف مني ليكوا
لان كلامي فيه اهانة
لو احنا جيل فعلا ضايع
ف انتوا مكنتوش قد الامانة
سبتوا كسرة النفس تربينا
سبتوا الحياه تعلم علينا
سيبتوا الف ايد تلطش
ومشيتوا تجيبوا العيب فينا
احنا جينا بعد منكم جيل
كنتوا انتوا لقائد والدليل
ولما توهنا واحنا وراكوا
وصفتوا جيلي بجيل عويل
