وإيه يعني ما دام تقدر تقول أيوه أكيد تقدر تقول الـ لأ نصيحة بس من قلبي ياريت تتقال بكلمة حق مادام تقدر تقول بالحق شيء جامع ما دام قلبك ما بيغشوش كلام لامع وتمحي بس بدموعك أنين مسكون هتقدر بالحروف تنسج مصير الكون و مهما تحاربك الأيام ومهما تعاندك الأحلام ومهما الدنيا فيك تِغري هتمشي سكتك دوغري ولا هتبص يوم تحتك ولا ترجع ولا تقرا ف كلام فاشل ولا تسمع أكيد في يوم ها تتحقق آمال دايماً بتسعالها بقلب جرئ ماهوش خايف لأنك بالضمير شايف يكون قلبك حصان ابيض حروفك برضو سيف ابيض سلاح مؤمن ينور قلب كون مُظلِم سلاح مؤلم يحارب بس من غير دم و اوعى ف يوم تكون يائس و لا مهتم مادام تقدر تكون طاير تكون ساجد تكون شاكر لأنك بالضمير عايش تعيش بالقلب شيء طاهر اكيد لازم تكون شاعر ساعتها تقول وايه يعني مادام تقدر تقول بالحق شيء جامع ما دام قلبك ما بيغشوش كلام لامع وتمحي بس بدموعك أنين مسكون هتقدر بالحروف تنسج مصير الكون ……………………………….. الأديب رفعت السنوسي
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
